ಗಮನಿಸಿ..! ಗೂಗಲ್ ಫೋಟೋಸ್ 15 ಜಿಬಿಗೆ ಮಿತಿ, ಸರ್ವರ್ ಮೇಲಿನ ಒತ್ತಡ ಕಡಿಮೆ ಮಾಡಲು ಕ್ರಮ

ಗೂಗಲ್ ಫೋಟೋಸ್ ನಲ್ಲಿ ಉಚಿತ ಸಂಗ್ರಹಣೆ 15 ಜಿಬಿಗೆ ಮಿತಿ ನಿಗದಿಗೊಳಿಸಲಾಗಿದೆ. ತನ್ನದೇ ಸೇವೆಗಳ ಮೂಲಕ ಗಮನಸೆಳೆದ ಗೂಗಲ್ ಫೋಟೋಸ್ ಅನಿಯಮಿತ ಉಚಿತ ಸಂಗ್ರಹಣೆ ವ್ಯವಸ್ಥೆಯನ್ನು 2021 ರ ಜೂನ್ ನಿಂದ ಕಡಿತಗೊಳಿಸಲಾಗುತ್ತದೆ.

ನಂತರದಲ್ಲಿ ಪ್ರತಿ ಗೂಗಲ್ ಖಾತೆಗೆ 15 ಜಿಬಿ ಉಚಿತ ಸ್ಟೋರೇಜ್ ನೀಡಲಾಗುವುದು. 2021 ರ ಜೂನ್ 1 ಕ್ಕಿಂತ ಮೊದಲು ಅಪ್ಲೋಡ್ ಆದ ಫೋಟೋಗಳು 15 ಜಿಬಿ ಉಚಿತ ಸ್ಟೋರೇಜ್ ಗೆ ಸೇರುವುದಿಲ್ಲ. ಅಂದ ಹಾಗೆ, ಗೂಗಲ್ ಫೋಟೋಸ್ ಗೆ ಪ್ರತಿ ವಾರಕ್ಕೆ ಸುಮಾರು 4 ಲಕ್ಷ ಕೋಟಿ ಹೊಸ ಫೋಟೋ ಹಾಗೂ 2800 ಕೋಟಿ ವಿಡಿಯೋ ಅಪ್ ಲೋಡ್ ಆಗುತ್ತಿದೆ. ಸರ್ವರ್ ಮೇಲಿನ ಒತ್ತಡ ಕಡಿಮೆ ಮಾಡಲು ಗೂಗಲ್ ಈ ನಿರ್ಧಾರ ಕೈಗೊಂಡಿದೆ. 15 ಜಿಬಿ ಉಚಿತ ಸ್ಟೋರೇಜ್ ನೀಡಲಾಗುವುದು ಎಂದು ಹೇಳಲಾಗಿದೆ.