ಭಾರತೀಯ ಮಾರುಕಟ್ಟೆಯಲ್ಲಿ ಹಾರ್ಲೆ ಡೇವಿಡ್​ಸನ್ ನಿಂದ ಹೊಸ ದಾಖಲೆ

ಭಾರತೀಯ ಮಾರುಕಟ್ಟೆಗೆ ಈ ವರ್ಷ ತರಲಾಗಿದ್ದ 100 ಹಾರ್ಲೆ ಡೇವಿಡ್​ಸನ್​ ಬೈಕ್​ಗಳು ಸಂಪೂರ್ಣ ಮುಂಗಡ ಬುಕ್ಕಿಂಗ್​ ಕಂಡಿವೆ. ಈ ಮೂಲಕ ದೇಶದಲ್ಲಿ ಹಾರ್ಲೆ ಡೇವಿಡ್​​ಸನ್​ಗೆ ಎಷ್ಟು ಬೇಡಿಕೆ ಹೆಚ್ಚಾಗ್ತಿದೆ ಅನ್ನೋದನ್ನ ಸಾಬೀತುಪಡಿಸ್ತಿದೆ.

ಹೀರೋ ಮೋಟೋ ಕಾರ್ಪ್​ ಕಂಪನಿಯು 2021ನೇ ಸಾಲಿನ ಹಾರ್ಲೆ ಡೇವಿಡ್​ಸನ್​ ಶ್ರೇಣಿಯ ಬೆಲೆಯು 10 ರಿಂದ 35 ಲಕ್ಷ ರೂಪಾಯಿ ಎಂದು ಘೋಷಿಸಿದ ಬಳಿಕ 13 ಬೈಕ್​ಗಳ ಬುಕ್ಕಿಂಗ್​ ಪ್ರಕ್ರಿಯೆಯು ಏಪ್ರಿಲ್​ ತಿಂಗಳಲ್ಲಿ ಆರಂಭವಾಗಿತ್ತು.

ಕಳೆದ ವರ್ಷ ಅಕ್ಟೋಬರ್​ನಲ್ಲಿ ಹೀರೋ ಮೋಟೋಕಾರ್ಪ್ ಹಾಗೂ ಹಾರ್ಲೆ ಡೇವಿಡ್​ಸನ್​​ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಸಹಭಾಗಿತ್ವದಲ್ಲಿ ಉದ್ಯಮ ನಡೆಸುತ್ತಿರೋದ್ರ ಬಗ್ಗೆ ಘೋಷಣೆ ಮಾಡಿದ್ದವು.

ಒಪ್ಪಂದದ ಪ್ರಕಾರ, ವಿಶ್ವದ ಅತಿದೊಡ್ಡ ಬೈಕ್​ ಹಾಗೂ ಸ್ಕೂಟರ್​ ಉತ್ಪಾದಕ ಕಂಪನಿಯಾದ ಹೀರೋ ಮೋಟೋಕಾರ್ಪ್​ ಭಾರತದಲ್ಲಿ ಹಾರ್ಲೆ ಡೇವಿಡ್​ಸನ್​ ಬೈಕ್​ಗಳು ಹಾಗೂ ಅವುಗಳ ಬಿಡಿ ಭಾಗ ಹಾಗೂ ಸರಕುಗಳ ವಿತರಣೆಯ ಹಕ್ಕನ್ನು ತನ್ನದಾಗಿಸಿಕೊಂಡಿದೆ.