ವಾಹನ ಸವಾರರಿಗೆ ಮತ್ತೊಂದು ಗುಡ್ ನ್ಯೂಸ್: DL, RC ಸೇರಿದಂತೆ RTO ಗೆ ಸಂಬಂಧಿಸಿದ ಗಡುವು 2 ತಿಂಗಳು ವಿಸ್ತರಣೆ

ನವದೆಹಲಿ: ನವೆಂಬರ್ 2021 ರವರೆಗೆ ಮುಕ್ತಾಯಗೊಳ್ಳುವ ಕಲಿಕಾ ಪರವಾನಗಿಯ ಮಾನ್ಯತೆಯನ್ನು 31 ಜನವರಿ 2022 ರವರೆಗೆ ವಿಸ್ತರಿಸುವ ಮೂಲಕ ದೆಹಲಿ ಸರ್ಕಾರ ಚಾಲಕರಿಗೆ ಭರ್ಜರಿ ಸುದ್ದಿ ನೀಡಿದೆ.

ಕೇಜ್ರಿವಾಲ್ ಸರ್ಕಾರ ಫೆಬ್ರವರಿ 2020 ರಿಂದ ನವೆಂಬರ್ 2021 ರವರೆಗೆ ಮುಕ್ತಾಯಗೊಳ್ಳುವ ಕಲಿಕಾ ಪರವಾನಿಗೆ ಮಾನ್ಯತೆ ವಿಸ್ತರಿಸಲಾಗಿದೆ. ಕೋವಿಡ್-19 ಹಿನ್ನೆಲೆಯಲ್ಲಿ, ಡ್ರೈವಿಂಗ್ ಲೈಸೆನ್ಸ್(ಡಿಎಲ್) ನಂತಹ ಮೋಟಾರು ವಾಹನ ದಾಖಲೆಗಳ ಸಿಂಧುತ್ವವನ್ನು ಎರಡು ತಿಂಗಳವರೆಗೆ ವಿಸ್ತರಿಸಲು ನಿರ್ಧರಿಸಲಾಗಿದೆ.

ಪರವಾನಗಿ ಪಡೆಯಲು, ಡ್ರೈವಿಂಗ್ ಟೆಸ್ಟ್ ಸ್ಲಾಟ್‌ಗಳನ್ನು ಕಾಯ್ದಿರಿಸಲು ಜನರು ತೊಂದರೆ ಎದುರಿಸುತ್ತಿದ್ದಾರೆ. ದೆಹಲಿ ಸರ್ಕಾರದ ಈ ಆದೇಶವು ವರ್ಷಾಂತ್ಯದವರೆಗೆ ಪರವಾನಗಿ, ಫಿಟ್ನೆಸ್ ಮತ್ತು ನೋಂದಣಿ ಪ್ರಮಾಣಪತ್ರ ಸೇರಿದಂತೆ ಸಾರಿಗೆಗೆ ಸಂಬಂಧಿಸಿದ ವಿವಿಧ ದಾಖಲೆಗಳಿಗೆ ಮಾನ್ಯವಾಗಿರುತ್ತದೆ.

ಸಾರಿಗೆ ಇಲಾಖೆಯ ಹೇಳಿಕೆಯನ್ನು ಹಂಚಿಕೊಂಡ ದೆಹಲಿ ಸಾರಿಗೆ ಸಚಿವ ಕೈಲಾಶ್ ಗಹ್ಲೋಟ್, ಜನರ ವಿನಂತಿ ಮೇರೆಗೆ ದೆಹಲಿ ಕಲಿಕಾ ಪರವಾನಗಿ ಹೊಂದಿರುವವರು ಡ್ರೈವಿಂಗ್ ಲೈಸೆನ್ಸ್ ಪರೀಕ್ಷೆಗಾಗಿ ಸ್ಲಾಟ್‌ಗಳನ್ನು ಪಡೆಯುವಲ್ಲಿ ಎದುರಿಸುತ್ತಿರುವ ತೊಂದರೆಗಳನ್ನು ಗಮನದಲ್ಲಿಟ್ಟುಕೊಂಡು ಈಗ ಸಿಂಧುತ್ವ ಅವಧಿ ವಿಸ್ತರಿಸಿದ್ದೇವೆ. ಕಲಿಕಾ ಪರವಾನಗಿ (LL) 31ನೇ ಜನವರಿ 2022 ರವರೆಗೆ, ಅಂದರೆ 01.02. 2020 ಮತ್ತು 30.11.2O21 ರವರೆಗೆ ಮಾನ್ಯವಾಗಿರುತ್ತದೆ ಎಂದು ತಿಳಿಸಿದ್ದಾರೆ.

ದೆಹಲಿಯಲ್ಲಿ ಕಲಿಕಾ ಪರವಾನಗಿ ಗಡುವನ್ನು ವಿಸ್ತರಣೆ

ಸಾರಿಗೆ ಇಲಾಖೆಯು ತನ್ನ ಮುಖರಹಿತ ಸೇವಾ ಮಾದರಿಯಡಿಯಲ್ಲಿ ಇ-ಲರ್ನರ್ ಪರವಾನಗಿ ಸೌಲಭ್ಯವನ್ನು ಪರಿಚಯಿಸಿದೆ. ಇದು ಅರ್ಜಿದಾರರಿಗೆ ಮನೆ ಅಥವಾ ಕೆಲಸದ ಸ್ಥಳದಿಂದ ಡ್ರೈವಿಂಗ್ ಪರೀಕ್ಷೆಯನ್ನು ತೆಗೆದುಕೊಳ್ಳಲು ಅನುವು ಮಾಡಿಕೊಡುತ್ತದೆ. ಈಗ ದೆಹಲಿಯಲ್ಲಿ ಕಲಿಯುವವರ ಪರವಾನಗಿ ಹೊಂದಿರುವವರು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವ ಮೂಲಕ ಸ್ಲಾಟ್‌ಗಳನ್ನು ಬುಕ್ ಮಾಡಬಹುದು. ಅರ್ಜಿದಾರರಿಗೆ ಇಲಾಖೆಯ ಯಾವುದೇ ಕಚೇರಿಗೆ ಭೇಟಿ ನೀಡದೆ ಚಾಲನಾ ಪರೀಕ್ಷೆಯನ್ನು ತೆಗೆದುಕೊಳ್ಳಲು ಸ್ಲಾಟ್‌ಗಳನ್ನು ನೀಡಲಾಗುತ್ತದೆ. ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ, ಪರವಾನಗಿಯನ್ನು ಅರ್ಜಿದಾರರ ವಿಳಾಸಕ್ಕೆ ಕಳುಹಿಸಲಾಗುತ್ತದೆ.

RTO ಕಚೇರಿಗೆ ಹೋಗಬೇಕಿಲ್ಲ

ದೇಶದ ರಾಜಧಾನಿ ದೆಹಲಿಯಲ್ಲಿ ವಾಸಿಸುವ ಜನರು ಇನ್ನು ಮುಂದೆ ಚಾಲನಾ ಪರವಾನಗಿ ಅಥವಾ ಡಿಎಲ್, ನೋಂದಣಿ ಪ್ರಮಾಣಪತ್ರದಂತಹ ದಾಖಲೆಗಳಿಗಾಗಿ ಪ್ರಾದೇಶಿಕ ಸಾರಿಗೆ ಕಚೇರಿ (ಆರ್‌ಟಿಒ) ಮೊರೆ ಹೋಗಬೇಕಾಗಿಲ್ಲ. ಸಾರಿಗೆ ಇಲಾಖೆಯು ಈ ವರ್ಷದ ಫೆಬ್ರವರಿಯಿಂದ ಸಾರಿಗೆ ಸೇವೆಗಳಿಗಾಗಿ ಮುಖರಹಿತ ವ್ಯವಸ್ಥೆಯನ್ನು ಪರೀಕ್ಷಿಸಲು ಪ್ರಾರಂಭಿಸಿದೆ. ಆಗಸ್ಟ್‌ ನಲ್ಲಿ ಔಪಚಾರಿಕವಾಗಿ ಪ್ರಾರಂಭಿಸಲಾಗಿದೆ. ಆದಾಗ್ಯೂ, ಈ ವೈಶಿಷ್ಟ್ಯವು ಶಾಶ್ವತ ಡ್ರೈವಿಂಗ್ ಪರೀಕ್ಷೆ ಅಥವಾ ವಾಹನದ ಫಿಟ್‌ನೆಸ್ ಪರೀಕ್ಷೆಯಂತಹ ವಿಷಯಗಳನ್ನು ಒಳಗೊಂಡಿಲ್ಲ.

ಆನ್‌ಲೈನ್ ಪರೀಕ್ಷೆಯನ್ನು ತೆಗೆದುಕೊಳ್ಳುವಲ್ಲಿ, ಅರ್ಜಿದಾರರಿಗೆ 20 ಪ್ರಶ್ನೆಗಳನ್ನು ಕೇಳಲಾಗುತ್ತದೆ, ಪ್ರತಿಯೊಂದೂ 10 ಅಂಕಗಳನ್ನು ಹೊಂದಿರುತ್ತದೆ. ಈ ಪ್ರಶ್ನೆಗಳು ರಸ್ತೆ ಸುರಕ್ಷತೆ, ಸಂಚಾರ ಚಿಹ್ನೆಗಳು ಮತ್ತು ಹೆಚ್ಚಿನವುಗಳಿಗೆ ಸಂಬಂಧಿಸಿವೆ. 6ಕ್ಕಿಂತ ಹೆಚ್ಚು ಅಂಕಗಳನ್ನು ಗಳಿಸಿದ ಅಭ್ಯರ್ಥಿಗಳು ಪರೀಕ್ಷೆಗೆ ಅರ್ಹತೆ ಪಡೆಯುತ್ತಾರೆ. ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ, ಕಲಿಕಾ ಪರವಾನಗಿಯನ್ನು ಆನ್‌ಲೈನ್‌ನಲ್ಲಿ ಸ್ವಯಂಚಾಲಿತವಾಗಿ ನೀಡಲಾಗುತ್ತದೆ, ಅದನ್ನು ಅರ್ಜಿದಾರರು ಮುದ್ರಿಸಿಟ್ಟುಕೊಳ್ಳಬಹುದು.