ಕ್ರಿಸ್ ಮಸ್ ಗಿಫ್ಟ್​ಗಾಗಿ ತಲೆಕೆಡಿಸಿಕೊಂಡಿದ್ದೀರಾ..? ಇಲ್ಲಿದೆ ನೋಡಿ ಬಜೆಟ್​ ಫ್ರೆಂಡ್ಲಿ ಗಿಫ್ಟ್ ಲಿಸ್ಟ್..!

ಕ್ರಿಸ್ ಮಸ್ ಹಬ್ಬ ಅಂದ ಕೂಡಲೇ ನೆನಪಾಗೋದು ಕೇಕ್​ಗಳು, ಅಲಂಕಾರಿಕ ವಸ್ತುಗಳು ಹಾಗೂ ಬಹುಮುಖ್ಯವಾಗಿ ಪ್ರೀತಿ ಪಾತ್ರರ ಉಡುಗೊರೆಗಳು.

ಪ್ರತಿ ವರ್ಷ ಪ್ರೀತಿ ಪಾತ್ರರನ್ನ ಭೇಟಿಯಾಗಿ ಅವರಿಗೆ ಉಡುಗೊರೆ ನೀಡುವ ಸಂಪ್ರದಾಯ ಕ್ರಿಶ್ಚಿಯನ್​ ಸಮುದಾಯದಲ್ಲಿದೆ.

ಆದರೆ ಈ ಬಾರಿ ಕೊರೊನಾ ಕಾರಣದಿಂದ ಯಾರನ್ನೂ ಭೇಟಿ ಮಾಡೋಕೆ ಸಾಧ್ಯವಾಗ್ತಿಲ್ಲ ಅನ್ನೋದು ಒಂದಡೆಯಾದರೆ ಆರ್ಥಿಕ ಸಂಕಷ್ಟ ಕೂಡ ಉಡುಗೊರೆ ಖರೀದಿಯಲ್ಲಿ ಹಿಂದೆ ಮುಂದೆ ನೋಡುವಂತೆ ಮಾಡಿದೆ.

ಹೀಗಾಗಿ ನಿಮಗಾಗಿ ಇಲ್ಲೊಂದಿಷ್ಟು ಪಾಕೆಟ್​ ಸ್ನೇಹಿ ಉಡುಗೊರೆಗಳ ಪಟ್ಟಿಯನ್ನ ನಾವು ತಯಾರಿಸಿದ್ದೇವೆ.

1. ಅಲಂಕಾರಿ ಕ್ಯಾಂಡಲ್​ಗಳು : ಅಲಂಕಾರಿಕ ಕ್ಯಾಂಡಲ್​ಗಳನ್ನ ನೀವು ಮನೆಯಲ್ಲಿ ಇಡಲಿಲ್ಲ ಅಂದರೆ  ಕಳೆ ಬರೋಕೆ ಸಾಧ್ಯಾನೇ ಇಲ್ಲ. ಹೀಗಾಗಿ ಕಡಿಮೆ ದರದಲ್ಲಿ ಸಿಗುವ ಈ ಕ್ಯಾಂಡಲ್​ಗಳನ್ನೇ ನೀವು ಗಿಫ್ಟ್ ರೂಪದಲ್ಲಿ ನೀಡಬಹುದು.

2. ಸುಂದರವಾದ ಡೈರಿಗಳು : ಇದಕ್ಕಿಂತ ಒಳ್ಳೆಯ ಬಜೆಟ್​ ಫ್ರೆಂಡ್ಲಿ ಗಿಫ್ಟ್ ನಿಮಗೆ ಇನ್ನೊಂದು ಸಿಗಲಿಕ್ಕಿಲ್ಲ. ಚಂದನೆಯ ಮುಖಪುಟವುಳ್ಳ ಡೈರಿಗಳು ಈಗಾಗಲೇ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದರ ಜೊತೆಯಲ್ಲಿ ನಿಮ್ಮ ಪ್ರೀತಿ ಪಾತ್ರರ ಫೋಟೋಗಳನ್ನೇ ಹಾಕಿ ತಯಾರು ಮಾಡಬಹುದಾದ ಕಸ್ಟಮೈಸ್ಡ್​ ಡೈರಿಗಳೂ ಈಗ ಲಭ್ಯವಿದೆ.

3. ಕ್ರಿಸ್​ಮಸ್​ ಕಾರ್ಡ್​ಗಳು: ಕ್ರಿಸ್​ಮಸ್​ ಕಾರ್ಡ್​ಗಳು ಬಹಳ ಸಮಯದಿಂದ ಚಾಲ್ತಿಯಲ್ಲಿರುವ ಎವರ್​ಗ್ರೀನ್​ ಉಡುಗೊರೆ. ಇದನ್ನ ನೀವು ಶಾಪ್​ನಲ್ಲಿ ಇಲ್ಲವೇ ಆನ್​ಲೈನ್​ ಮಾರುಕಟ್ಟೆಯಲ್ಲಿ ಖರೀದಿ ಮಾಡಬಹುದು. ಇದೂ ಬೇಡ ಅಂದರೆ ನಿಮ್ಮ ಕೈಯಾರೇ ಕಾರ್ಡ್​ಗಳನ್ನ ತಯಾರು ಮಾಡಿ ಪ್ರೀತಿಪಾತ್ರರಿಗೆ ನೀಡಬಹುದು.

4. ಪುಸ್ತಕ ಹಾಗೂ ಬುಕ್​ ಮಾರ್ಕ್​ಗಳು : ಸಾಮಾಜಿಕ ಜಾಲತಾಣದ ಈ ಕಾಲದಲ್ಲೂ ಪುಸ್ತಕ ಪ್ರಿಯರೂ ಇದ್ದಾರೆ ಅನ್ನೋ ಮಾತನ್ನ ತಳ್ಳಿಹಾಕುವಂತಿಲ್ಲ. ಹೀಗಾಗಿ ನಿಮ್ಮ ಪ್ರೀತಿ ಪಾತ್ರರು ಪುಸ್ತಕ ಪ್ರಿಯರಾಗಿದ್ದರೆ ಅವರು ಇಷ್ಟ ಪಡುವ ಲೇಖಕರ ಪುಸ್ತಕದ ಜೊತೆಯಲ್ಲಿ ಕಸ್ಟಮೈಸಡ್​ ಬುಕ್​ಮಾರ್ಕ್​ಗಳನ್ನೂ ನೀವು ಉಡುಗೊರೆಯಾಗಿ ನೀಡಬಹುದು.

5. ಕೀ ಚೈನ್​ಗಳು : ಕ್ಯೂಟ್​ ಕ್ಯೂಟ್​ ಆದ ಕೀ ಚೈನ್​ಗಳಿಗೆ ಮಾರುಕಟ್ಟೆಯಲ್ಲೇನು ಬರಗಾಲವಿಲ್ಲ. ಅದರಲ್ಲೂ ಈವಾಗ ಕಸ್ಟಮೈಸ್ಡ್​ ಕೀ ಚೈನ್​​ಗಳದ್ದೇ ಟ್ರೆಂಡ್ ನಡೆಯುತ್ತಿದೆ. ಹೀಗಾಗಿ ನೀವು ಆನ್​ಲೈನ್​ ಮಾರುಕಟ್ಟೆಗಳ ಸಹಾಯದಿಂದ ನಿಮ್ಮ ಪ್ರೀತಿ ಪಾತ್ರರ ಫೋಟೋ ಇಲ್ಲವೇ ಅವರ ಹೆಸರನ್ನ ಬರೆದಿರುವಂತಹ ಕೀ ಚೈನ್​ಗಳನ್ನ ತಯಾರಿಸಿ ಅದನ್ನ ಉಡುಗೊರೆಯಾಗಿ ನೀಡಬಹುದು.