ಭಾರತ್​ ಪೇ ಕಂಪನಿ ನಿರ್ದೇಶಕರಾಗಿ ಕೇವಲ್​ ಹಂಡಾ

ವ್ಯಾಪಾರಿ ಪಾವತಿ ಕಂಪನಿಯಾದ ಭಾರತ್​ ಪೇ ಕೇವಲ್​ ಹಂಡಾರನ್ನ ಸ್ವತಂತ್ರ ನಿರ್ದೇಶಕರಾಗಿ ನೇಮಕ ಮಾಡಿದೆ. ಯೂನಿಯನ್​ ಬ್ಯಾಂಕ್​ ಆಫ್​ ಇಂಡಿಯಾ ಮಾಜಿ ಚೇರ್​ಮನ್​ ಕೇವಲ್​ ಹಂಡಾ ಈ ಮೂಲಕ ಭಾರತ್​ ಪೇ ಪರಿವಾರವನ್ನ ಸೇರಿಕೊಂಡಿದ್ದಾರೆ .

ವಾಣಿಜ್ಯ, ಕಾರ್ಯತಂತ್ರ, ವ್ಯವಹಾರ ಅಭಿವೃದ್ಧಿ, ಕಾರ್ಪೋರೇಟ್​ ವ್ಯವಹಾರಗಳಲ್ಲಿ ಅನುಭವ ಹೊಂದಿರುವ ಕೇವಲ್​ ಹಂಡಾ 2005ರಿಂದ 2012ರವರೆಗೆ ಫಿಜರ್​ ಲಿಮಿಟೆಡ್​​ನಲ್ಲಿ ಎಂಡಿಯಾಗಿ ಕಾರ್ಯನಿರ್ವಹಿಸಿದ್ದರು.

ಅಲ್ಲದೇ ಕೇವಲ್​ ಹಂಡಾ​ ಐಎನ್​ಜಿ ವೈಶ್ಯ ಬ್ಯಾಂಕ್​ನಲ್ಲೂ ಸ್ವತಂತ್ರ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಆರ್ಥಿಕ ವ್ಯವಹಾರ ಲೋಕದಲ್ಲಿ ನಾಯಕತ್ವದ ಅನುಭವ ಹೊಂದಿರುವ ಕೇವಲ್​​ ವಿವಿಧ ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಪ್ರಶಸ್ತಿಗಳಿಗೆ ಭಾಜನರಾಗಿದ್ದಾರೆ.