ಗ್ರಾಹಕರ ಗಮನಕ್ಕೆ: ಈ ದಿನಗಳಂದು ಇರೋದಿಲ್ಲ ಬ್ಯಾಂಕಿಂಗ್​ ಸೇವೆ..!

ರಿಸರ್ವ್​ ಬ್ಯಾಂಕ್​ ಆಫ್​​ ಇಂಡಿಯಾದ ಕ್ಯಾಲೆಂಡರ್​ನ ಪ್ರಕಾರ ದೇಶದ ಬಹುತೇಕ ಬ್ಯಾಂಕುಗಳು ಸೋಮವಾರದಿಂದ ಭಾನುವಾರ( ಆಗಸ್ಟ್​ 22)ದ ನಡುವೆ 5 ದಿನಗಳು ಬಂದ್​ ಇರಲಿದೆ. ಹೀಗಾಗಿ ಆಯಾ ಬ್ಯಾಂಕುಗಳ ಗ್ರಾಹಕರಿಗೆ ಈ ವಾರ ಬ್ಯಾಂಕಿಂಗ್​ ವ್ಯವಹಾರದಲ್ಲಿ ಕೊಂಚ ಅಡಚಣೆ ಉಂಟಾಗಲಿದೆ.

ಆರ್​ಬಿಐ ಕ್ಯಾಲೆಂಡರ್​ನ ಪ್ರಕಾರ ಆಗಸ್ಟ್​ ತಿಂಗಳಲ್ಲಿ ಎರಡನೆ ಹಾಗೂ ನಾಲ್ಕನೇ ಶನಿವಾರ ಮತ್ತು ಭಾನುವಾರವನ್ನೂ ಸೇರಿಸಿ ಒಟ್ಟು 15 ದಿನಗಳು ರಜೆ ಎಂದು ಘೋಷಣೆಯಾಗಿದೆ. ಅಂದಹಾಗೆ ಈ ರಜೆಯು ಆಯಾ ರಾಜ್ಯಗಳಿಗೆ ಬೇರೆ ರೀತಿಯಲ್ಲಿ ಇರಲಿದೆ.

16ನೇ ತಾರೀಖಿನಿಂದ 22ರವರೆಗೆ ನಾಲ್ಕು ಹಬ್ಬದ ರಜೆ ಇರಲಿದೆ. ಆಗಸ್ಟ್​ 16ರಂದು ಪಾರ್ಸಿ ಹೊಸ ವರ್ಷಾಚರಣೆ ಅಥವಾ ನಾವ್ರೋಜ್​ನ್ನು ಆಚರಣೆ ಮಾಡಲಾಗುತ್ತದೆ. ಹೀಗಾಗಿ ಅಂದು ಬೇಲಾಪುರ, ಮುಂಬೈ ಹಾಗೂ ನಾಗ್ಪುರದಲ್ಲಿ ಬ್ಯಾಂಕುಗಳು ಬಂದ್​ ಇತ್ತು. ಅದೇ ರೀತಿ ಗುರುವಾರದಂದು ಮೊಹರಂ ಹಿನ್ನೆಲೆ ಬಹುತೇಕ ಎಲ್ಲಾ ರಾಜ್ಯಗಳಲ್ಲಿ ಬ್ಯಾಂಕುಗಳು ಬಂದ್​ ಇರಲಿದೆ.

ಆಗಸ್ಟ್​ 16 – ಪಾರ್ಸಿ ಹೊಸ ವರ್ಷಾಚರಣೆ ( ಬೇಲಾಪುರ, ಮುಂಬೈ, ನಾಗ್ಪುರ ಬ್ಯಾಂಕ್ ಸೇವೆ ಬಂದ್​)

ಆಗಸ್ಟ್​ 19 – ಮೊಹರಂ (ಬಹುತೇಕ ಎಲ್ಲಾ ರಾಜ್ಯಗಳಲ್ಲಿ ಬ್ಯಾಂಕ್ ಸೇವೆ​ ಬಂದ್​)

ಆಗಸ್ಟ್​ 20 – ಓಣಂ

ಆಗಸ್ಟ್​ 21 – ತಿರುಓಣಂ ( ತಿರುವನಂಪುರಂ ಹಾಗೂ ಕೊಚ್ಚಿಯಲ್ಲಿ ಬ್ಯಾಂಕ್​ ಸೇವೆ ಬಂದ್)

ಆಗಸ್ಟ್​ 22 – ಭಾನುವಾರ ( ವಾರದ ರಜೆ)