ಸದಾ ತನ್ನ ಗ್ರಾಹಕರಿಗೆ ಒಂದಿಲ್ಲೊಂದು ಆಫರ್ಗಳನ್ನ ನೀಡುವ ಏರ್ಟೆಲ್ ಈ ಬಾರಿ ಪೋಸ್ಟ್ ಪೇಯ್ಡ್ ಹಾಗೂ ಬ್ರಾಡ್ ಬ್ಯಾಂಡ್ ಕನೆಕ್ಷನ್ ಪಡೆದ ಗ್ರಾಹಕರಿಗೆ ಒಂದು ವರ್ಷಗಳ ವರೆಗೆ ಡಿಸ್ನಿ + ಹಾಟ್ಸ್ಟಾರ್ ವಿಐಪಿ ಸಬ್ಸ್ಕ್ರಿಪ್ಶನ್ ನೀಡಲಿದೆ.
ಏರ್ಟೆಲ್ ಥ್ಯಾಂಕ್ಸ್ ಅಪ್ಲಿಕೇಷನ್ ಮೂಲಕ ಈ ಆಫರ್ನ ಲಾಭ ಪಡೆಯಬಹುದಾಗಿದೆ. ಒಂದು ವರ್ಷದ ಡಿಸ್ನಿ ವಿಐಪಿ ಚಂದಾದಾರಿಕೆಯ ಬೆಲೆ 399 ರೂಪಾಯಿ ಇದೆ. ಏರ್ಟೆಲ್ ಈ ಹಿಂದೆ 401, 612, 1208 ಹಾಗೂ 2599 ರೂಪಾಯಿಗಳ ಕರೆನ್ಸಿ ಹಾಕುವ ಗ್ರಾಹಕರಿಗೆ ಈ ಸೌಲಭ್ಯ ಉಚಿತವಾಗಿ ನೀಡಿತ್ತು.
ಏರ್ಟೆಲ್ನ ಪ್ರತಿಸ್ಪರ್ಧಿಯಾಗಿರುವ ಜಿಯೋ ಕೂಡ ತನ್ನ ಕೆಲ ಪ್ರಿಪೇಡ್ ಕನೆಕ್ಷನ್ಗಳಿಗೆ ಒಂದು ವರ್ಷದ ಡಿಸ್ನಿ + ವಿಐಪಿ ಚಂದಾದಾರಿಕೆ ನೀಡಿದೆ. ಏರ್ಟೆಲ್ ಹೊಸದಾಗಿ ಲಾಂಚ್ ಆಗಿರುವ ಈ ಡಿಸ್ನಿ ಪ್ಲಸ್ ವಿಐಪಿ ಚಂದಾದಾರಿಕೆಯನ್ನ 999 ರೂಪಾಯಿ ಪಾವತಿಸುವ ಬ್ರಾಂಡ್ ಬ್ಯಾಂಡ್ ಗ್ರಾಹಕರಿಗೆ ಹಾಗೂ 499 ಹಾಗೂ ಅದಕ್ಕೂ ಅಧಿಕ ಮೊತ್ತದ ಬಿಲ್ ಪಾವತಿಸುವ ಪೋಸ್ಟ್ ಪೇಯ್ಡ್ ಗ್ರಾಹಕರಿಗೆ ಉಚಿತವಾಗಿ ನೀಡಿದೆ. ನೀವು ಕೂಡ ಇದರ ಫಲಾನುಭವಿಗಳಾಗಿದ್ದರೆ ಏರ್ ಟೆಲ್ ಥ್ಯಾಂಕ್ಸ್ ಮೂಲಕ ಚಂದಾದಾರಿಕೆ ಪಡೆಯಬಹುದಾಗಿದೆ.
Loading ...