ಲಾವಾ, ಹೊಸ ಫೀಚರ್ ಫೋನ್ ಲಾವಾ ಪಲ್ಸ್ ಬಿಡುಗಡೆ ಮಾಡಿದೆ. ಈ ಫೋನ್‌ನ ವಿಶೇಷತೆಯೆಂದರೆ ಅದು ಕೆಲವು ಸೆಕೆಂಡುಗಳಲ್ಲಿ ಹೃದಯ ಬಡಿತ ಮತ್ತು ರಕ್ತದೊತ್ತಡವನ್ನು ಅಳೆಯಬಲ್ಲದು. ಈ ಫೋನ್ ನಲ್ಲಿ ಕೆಲವು ಹೊಸ ವೈಶಿಷ್ಟ್ಯಗಳನ್ನು ನೀಡಲಾಗಿದೆ.
ಲಾವಾ ಪಲ್ಸ್ ಬೆಲೆ ಕೇವಲ 1,599 ರೂಪಾಯಿ. ಫೋನ್ ಅಮೆಜಾನ್, ಫ್ಲಿಪ್ಕಾರ್ಟ್ ಮತ್ತು ದೇಶಾದ್ಯಂತದ ಮೊಬೈಲ್ ಮಳಿಗೆಗಳಲ್ಲಿ ಲಭ್ಯವಿದೆ. ಬಳಕೆದಾರನು ಫೋನ್ ನ ಹಿಂಭಾಗದಲ್ಲಿ ಬೆರಳು ಇಟ್ಟ ನಂತ್ರ ಹೃದಯ ಬಡಿತ ಮತ್ತು ರಕ್ತದೊತ್ತಡ ಪರದೆಯ ಮೇಲೆ ಕಾಣಿಸುತ್ತದೆ. ವೈದ್ಯರಿಗೆ ತೋರಿಸಲು ಈ ಡೇಟಾವನ್ನು ಇಡಬಹುದು.
ಲಾವಾ ಇಂಟರ್‌ನ್ಯಾಷನಲ್‌ನ ಮುಖ್ಯಸ್ಥ ತೇಜಿಂದರ್ ಸಿಂಗ್ ಮಾತನಾಡಿ, ಹೃದ್ರೋಗಗಳಿಂದ ಪ್ರತಿವರ್ಷ ಸಾವಿರಾರು ಜನರು ಸಾಯುತ್ತಾರೆ. ಆರಂಭಿಕ ಪತ್ತೆ ಹಚ್ಚುವಿಕೆ ಬಹಳ ಮುಖ್ಯ. ಹಾಗಾಗಿ ಈ ಫೋನ್ ಗೆ ಈ ವೈಶಿಷ್ಟ್ಯ ನೀಡಲಾಗಿದೆ ಎಂದಿದ್ದಾರೆ. ಲಾವಾ ಪಲ್ಸ್ ಫೋನ್ ಡ್ಯುಯಲ್ ಸಿಮ್ ಬೆಂಬಲಿಸುತ್ತದೆ. ಫೋನ್ ನಲ್ಲಿ 100 ಎಸ್‌ಎಂಎಸ್ ಮತ್ತು 500 ಫೋನ್ ನಂಬರ್ ಸಂಗ್ರಹಿಸಬಹುದಾಗಿದೆ. ಈ ಫೋನ್ ಇಂಗ್ಲಿಷ್, ಹಿಂದಿ, ತಮಿಳು, ಕನ್ನಡ, ಗುಜರಾತಿ, ಪಂಜಾಬಿ ಸೇರಿದಂತೆ ಏಳು ಭಾಷೆಗಳನ್ನು ಬೆಂಬಲಿಸುತ್ತದೆ.
Loading ...