ಅಗ್ಗದ ಫೋನ್ ಹಾಗೂ ಎಲ್ ಇಡಿ ಟಿವಿ ನಂತ್ರ ಡೆಟೆಲ್ ಇಂಡಿಯಾ ಭಾರತ ಮಾರುಕಟ್ಟೆಯಲ್ಲಿ ದ್ವಿಚಕ್ರ ವಾಹನ ಬಿಡುಗಡೆ ಮಾಡಿದೆ. ಈ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಬಳಕೆಯಿಂದ ಪ್ರತಿ ಕಿಲೋಮೀಟರ್ ಗೆ ಕೇವಲ 20 ಪೈಸೆ ವೆಚ್ಚವಾಗಲಿದೆ ಎಂದು ಕಂಪನಿ ಹೇಳಿದೆ.
ಎಲೆಕ್ಟ್ರಿಕ್ ವಾಹನಕ್ಕೆ ಡೆಟೆಲ್ ಈಸಿ ಎಂದು ಹೆಸರಿಡಲಾಗಿದೆ. ಇದು ವಿಶ್ವದ ಅತ್ಯಂತ ಅಗ್ಗದ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಎಂದು ಕಂಪನಿ ಹೇಳಿಕೊಂಡಿದೆ. ಈ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಮೂರು ಬಣ್ಣದಲ್ಲಿ ಲಭ್ಯವಿದೆ.
ಡಿಟೆಲ್ ಈಜಿಯ ಬೆಲೆ ಕೇವಲ 19,999 ರೂಪಾಯಿ. ಕಂಪನಿಯ ಪ್ರಕಾರ ಅಗ್ಗದ ಬೆಲೆಗೆ ಎಲೆಕ್ಟ್ರಿಕ್ ವಾಹನ ಸಿಗುವ ಜೊತೆಗೆ ಬಳಕೆ ವೆಚ್ಚವೂ ಕಡಿಮೆ. ಇದನ್ನು ಕಂಪನಿ ವೆಬ್ಸೈಟ್ ನಿಂದ ಖರೀದಿ ಮಾಡಬಹುದು.
ಈ ಎಲೆಕ್ಟ್ರಿಕ್ ಸ್ಕೂಟರ್ ಓಡಿಸಲು ಯಾವುದೇ ಪರವಾನಗಿ ಅಗತ್ಯವಿಲ್ಲ. ಬೈಕ್ ನೋಂದಾಯಿಸುವ ಅಗತ್ಯವಿಲ್ಲ. ಡಿಟೆಲ್ ಈಸಿ, ಬ್ಯಾಟರಿಯನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಿದ ನಂತರ, ಅದು 60 ಕಿಲೋಮೀಟರ್ ವರೆಗೆ ಚಲಿಸುತ್ತದೆ. ಈ ದ್ವಿಚಕ್ರ ವಾಹನದ ವೇಗ ಗಂಟೆಗೆ 25 ಕಿಲೋಮೀಟರ್. ಇದರ ಬ್ಯಾಟರಿ 7 ರಿಂದ 8 ಗಂಟೆಗಳಲ್ಲಿ ಪೂರ್ಣ ಚಾರ್ಜ್ ಆಗುತ್ತದೆ.
Loading ...