ಆಭರಣ ಖರೀದಿದಾರರಿಗೆ ಶಾಕಿಂಗ್: ಬುಧವಾರ ಏರಿಕೆ ಕಂಡ ‌ʼಚಿನ್ನ – ಬೆಳ್ಳಿʼ ಬೆಲೆ

ಬುಧವಾರ ಬಂಗಾರ-ಬೆಳ್ಳಿ ಬೆಲೆಯಲ್ಲಿ ಏರಿಕೆ ಕಂಡು ಬಂದಿದೆ.ಸತತ ಮೂರು ದಿನಗಳ ಬೆಲೆ ಇಳಿಕೆ ನಂತ್ರ ಇಂದು ಬೆಲೆ ಹೆಚ್ಚಳವಾಗಿದೆ.ಎಂಸಿಎಕ್ಸ್ ನಲ್ಲಿ 142 ರೂಪಾಯಿ ಏರಿಕೆ ಕಂಡಿದೆ. ಈ ಏರಿಕೆ ನಂತ್ರ 10 ಗ್ರಾಂ ಬಂಗಾರದ ಬೆಲೆ 49,125 ರೂಪಾಯಿಯಾಗಿದೆ. ಇನ್ನು ಬೆಳ್ಳಿ ಬೆಲೆಯಲ್ಲೂ ಏರಿಕೆ ಕಂಡು ಬಂದಿದೆ. ಬೆಳ್ಳಿ ಬೆಲೆ 327 ರೂಪಾಯಿ ಹೆಚ್ಚಳದೊಂದಿಗೆ ಕೆ.ಜಿ ಬೆಳ್ಳಿ ಬೆ ಲೆ 66,363 ರೂಪಾಯಿಯಾಗಿದೆ.

22 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ 47810 ರೂಪಾಯಿಯಾಗಿದೆ.24 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ 52160 ರೂಪಾಯಿಯಾಗಿದೆ.ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಚಿನ್ನದ ಬೆಲೆಯಲ್ಲಿ ಹೆಚ್ಚಳ ಕಂಡು ಬಂದಿದೆ.ಅಮೆರಿಕಾದಲ್ಲಿ 9.13 ಡಾಲರ್ ಏರಿಕೆಯೊಂದಿಗೆ ಚಿನ್ನದ ಬೆಲೆ 1849.56 ಡಾಲರ್ ಪ್ರತಿ ಔನ್ಸ್ ಆಗಿದೆ.ಬೆಳ್ಳಿ ಬೆಲೆ 0.23 ಏರಿಕೆಯೊಂದಿಗೆ 25.45 ಡಾಲರ್ ಪ್ರತಿ ಔನ್ಸ್ ಆಗಿದೆ.

ಮಂಗಳವಾರ ದೆಹಲಿ ಬುಲಿಯನ್ ಮಾರುಕಟ್ಟೆಯಲ್ಲಿ ಬಂಗಾರದ ಬೆಲೆ 198 ರೂಪಾಯಿ ಏರಿಕೆ ಕಂಡು 10 ಗ್ರಾಂಗೆ 48,480 ರೂಪಾಯಿಯಾಗಿತ್ತು.ಬೆಳ್ಳಿ ಬೆಲೆ 1,008 ಏರಿಕೆಯೊಂದಿಗೆ ಕೆ.ಜಿಗೆ 65,340 ರೂಪಾಯಿಯಾಗಿತ್ತು.