ಜಾನುವಾರು ಸಾಗಿಸುತ್ತಿದ್ದ ವಾಹನವನ್ನು ತಡೆದ ವೇಳೆ ಅದರಲ್ಲಿದ್ದ ವ್ಯಕ್ತಿಯೊಬ್ಬ ಅನುಮಾನಾಸ್ಪದವಾಗಿ ಮೃತಪಟ್ಟ ಪ್ರಕರಣದಲ್ಲಿ ಆರೋಪಿಗಳಾಗಿರುವ ಪುನೀತ್ ಕೆರೆಹಳ್ಳಿ ಹಾಗೂ ಅವರ ನಾಲ್ವರು ಸಹಚರರನ್ನು ರಾಜಸ್ಥಾನದಿಂದ ಬಂಧಿಸಿ ಕರೆತರಲಾಗಿದೆ.
ಏಪ್ರಿಲ್ 5ರಂದು ರಾಜಸ್ಥಾನದ ಬಾನ್ಸವಾಡದಲ್ಲಿ ಬಂಧನಕ್ಕೊಳಗಾಗಿದ್ದ ರಾಷ್ಟ್ರ ರಕ್ಷಣಾ ಪಡೆ ಸಂಘಟನೆಯ ಸಂಸ್ಥಾಪಕ ಪುನೀತ್ ಕೆರೆಹಳ್ಳಿ, ಕಾರ್ಯಕರ್ತರಾದ ಗೋಪಿ, ಪವನ್ ಕುಮಾರ್, ಪಿಲ್ಲಿಂಗ್ ಅಂಬಿಗಾರ ಹಾಗೂ ಸುರೇಶ್ ಕುಮಾರ್ ಅವರುಗಳನ್ನು ಶನಿವಾರದಂದು ಕನಕಪುರಕ್ಕೆ ಕರೆತರಲಾಗಿತ್ತು.
ಭಾನುವಾರ ಕನಕಪುರದ ಜೆ.ಎಂ.ಎಫ್.ಸಿ. ನ್ಯಾಯಾಲಯದ ನ್ಯಾಯಾಧೀಶರಾದ ಅಪ್ಪಣ್ಣ ಸವದಿ ಅವರ ಮುಂದೆ ಹಾಜರುಪಡಿಸಿದ ವೇಳೆ ಏಳು ದಿನಗಳ ಅವಧಿಗೆ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ. ಆರೋಪಿಗಳ ಪರ ವಕೀಲರಾದ ನಿಶಾಂತ್ ಕುಶಾಲಪ್ಪ ಹಾಗೂ ಉಮಾಶಂಕರ್ ಹಾಜರಿದ್ದರು.
Loading ...
