ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾ ಲಿಮಿಟೆಡ್ (ಎಸ್ಎಐಎಲ್) ನಲ್ಲಿ ಉದ್ಯೋಗ ಪಡೆಯಲು ಅವಕಾಶವಿದೆ. ಎಸ್ಎಐಎಲ್ ತನ್ನ ರೂರ್ಕೆಲಾ ಘಟಕದಲ್ಲಿ ಪದವೀಧರ / ತಂತ್ರಜ್ಞ / ಟ್ರೇಡ್ ಅಪ್ರೆಂಟಿಸ್ಶಿಪ್ ನೇಮಕಾತಿಯನ್ನು ಬಿಡುಗಡೆ ಮಾಡಿದೆ. ಎಂಜಿನಿಯರಿಂಗ್ ನಲ್ಲಿ ಬಿಟೆಕ್ / ಡಿಪ್ಲೊಮಾ / ಐಟಿಐ ಮಾಡುತ್ತಿರುವ ಹೊಸ ಅಭ್ಯರ್ಥಿಗಳಿಗೆ ಪ್ರಾಯೋಗಿಕ ಜ್ಞಾನವನ್ನು ಪಡೆಯಲು ಉತ್ತಮ ಅವಕಾಶವಿದೆ.
ಈ ಒಂದು ವರ್ಷದ ಅಪ್ರೆಂಟಿಸ್ಶಿಪ್ ಸಮಯದಲ್ಲಿ, ನೀವು ಸಾಕಷ್ಟು ಕಲಿಯಬಹುದು ಮತ್ತು ಸ್ಟೈಫಂಡ್ ಕೂಡ ಪಡೆಯುತ್ತೀರಿ. ಎಸ್ಎಐಎಲ್ ನ ರೂರ್ಕೆಲಾ ಘಟಕದಲ್ಲಿ ಅಪ್ರೆಂಟಿಸ್ಶಿಪ್ ನೇಮಕಾತಿಗಾಗಿ ಅರ್ಜಿ ಪ್ರಕ್ರಿಯೆ ಆಗಸ್ಟ್ 29 ರಿಂದ ಪ್ರಾರಂಭವಾಗಿದೆ. ಆಸಕ್ತ ಅಭ್ಯರ್ಥಿಗಳು ಸೆಪ್ಟೆಂಬರ್ 30, 2023ರೊಳಗೆ ಅರ್ಜಿ ಸಲ್ಲಿಸಬಹುದು.
ಅರ್ಹತೆ
ವಯೋಮಿತಿ: ಎಸ್ಎಐಎಲ್ ರೂರ್ಕೆಲಾದಲ್ಲಿ ಅಪ್ರೆಂಟಿಸ್ಶಿಪ್ಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳಿಗೆ 18 ರಿಂದ 28 ವರ್ಷದ ವಯೋಮಿತಿ ನಿಗದಿ ಮಾಡಲಾಗಿದೆ. ಮೀಸಲಾತಿ ವರ್ಗದ ಅಭ್ಯರ್ಥಿಗಳಿಗೆ ನಿಯಮಗಳ ಪ್ರಕಾರ ಗರಿಷ್ಠ ವಯಸ್ಸಿನ ಮಿತಿಯಲ್ಲಿ ಸಡಿಲಿಕೆ ಇರುತ್ತದೆ.
ವಿದ್ಯಾರ್ಹತೆ
ಟ್ರೇಡ್ ಅಪ್ರೆಂಟಿಶಿಪ್ ಗೆ ಸಂಬಂಧಪಟ್ಟ ಟ್ರೇಡ್ನಲ್ಲಿ ಐಟಿಐ ಇರಬೇಕು. ಟೆಕ್ನಿಷಿಯನ್ ಅಪ್ರೆಂಟಿಸ್ಶಿಪ್ಗಾಗಿ ಡಿಪ್ಲೊಮಾ ಮತ್ತು ಪದವಿ ಅಪ್ರೆಂಟಿಸ್ಶಿಪ್ಗಾಗಿ ಬಿಇ / ಬಿಟೆಕ್ ಅಗತ್ಯವಿದೆ.ಅಪ್ರೆಂಟಿಸ್ಶಿಪ್ ಮಾಡುವವರಿಗೆ ಅಪ್ರೆಂಟಿಸ್ಶಿಪ್ ಕಾಯ್ದೆ 1961, ಅಪ್ರೆಂಟಿಸ್ಶಿಪ್ ನಿಯಮಗಳು 1002 ರ ಪ್ರಕಾರ ಸ್ಟೈಫಂಡ್ ನೀಡಲಾಗುವುದು
ಆಯ್ಕೆಯು ಅರ್ಹತಾ ಅಂಕಗಳ ಆಧಾರದ ಮೇಲೆ ಇರುತ್ತದೆ. ಇದರ ಆಧಾರದ ಮೇಲೆ, ಅರ್ಹತೆಯನ್ನು ಸಿದ್ಧಪಡಿಸಲಾಗುತ್ತದೆ. ಹೆಚ್ಚಿನ ಮಾಹಿತಿಗಾಗಿ https://www.sail.co.in/en/home ವೀಕ್ಷಿಸಬಹುದಾಗಿದೆ.
ಹುದ್ದೆಗಳ ವಿವರ
ಟ್ರೇಡ್ ಅಪ್ರೆಂಟಿಸ್ಶಿಪ್- 188
ಟೆಕ್ನಿಷಿಯನ್ ಅಪ್ರೆಂಟಿಸ್ಶಿಪ್-136
ಗ್ರಾಜುಯೇಟ್ ಅಪ್ರೆಂಟಿಸ್ಶಿಪ್-51
