ಬೆಂಗಳೂರು: ಜಾಗತಿಕ ಮಾರುಕಟ್ಟೆಯ ಅನಿರೀಕ್ಷಿತ ಬೆಳವಣಿಗೆಗಳು ಇಂದು ಭಾರತೀಯ ಹೂಡಿಕೆದಾರರಿಗೆ ಆಘಾತ ನೀಡಿವೆ. ಕಳೆದ ಕೆಲವು ದಿನಗಳಿಂದ ಇಳಿಕೆಯ ಹಾದಿಯಲ್ಲಿದ್ದ ಹಳದಿ ಲೋಹದ ಬೆಲೆ, ಇಂದು (ಏಪ್ರಿಲ್ 30, ಗುರುವಾರ) ಭಾರಿ ಏರಿಕೆ ಕಂಡಿದೆ. ಪ್ರಮುಖವಾಗಿ ಇರಾನ್-ಅಮೆರಿಕ ಸಂಘರ್ಷ ಮತ್ತು ರೂಪಾಯಿ ಮೌಲ್ಯದ ಕುಸಿತವು ಮಾರುಕಟ್ಟೆಯ ಮೇಲೆ ತೀವ್ರ ಪರಿಣಾಮ ಬೀರಿದೆ.
ಇಂದಿನ ದರ ವಿವರ (ಏಪ್ರಿಲ್ 30, 2026):
ಇಂದು ಬೆಳಿಗ್ಗೆ 11 ಗಂಟೆಯ ವೇಳೆಗೆ ದಾಖಲಾದ ದರಗಳ ಮಾಹಿತಿ ಹೀಗಿದೆ:
24 ಕ್ಯಾರೆಟ್ ಶುದ್ಧ ಚಿನ್ನ (ಅಪರಂಜಿ): ಪ್ರತಿ 10 ಗ್ರಾಂಗೆ ₹220 ಏರಿಕೆಯಾಗಿದ್ದು, ಪ್ರಸ್ತುತ ₹1,50,660 ಕ್ಕೆ ತಲುಪಿದೆ. (ಪ್ರತಿ 1 ಗ್ರಾಂಗೆ ₹15,066).
22 ಕ್ಯಾರೆಟ್ ಆಭರಣ ಚಿನ್ನ: ಪ್ರತಿ 10 ಗ್ರಾಂಗೆ ₹200 ಏರಿಕೆಯಾಗಿದ್ದು, ಪ್ರಸ್ತುತ ₹1,38,100 ತಲುಪಿದೆ.
ಬೆಳ್ಳಿ ದರ: ಬೆಳ್ಳಿಯ ದರವು ಪ್ರತಿ ಕೆಜಿಗೆ ₹2.60 ಲಕ್ಷ ದಲ್ಲಿ ಸ್ಥಿರವಾಗಿದೆ.
ಬೆಲೆ ಏರಿಕೆಗೆ 4 ಪ್ರಮುಖ ಕಾರಣಗಳು:
ಆರ್ಥಿಕ ತಜ್ಞರ ಪ್ರಕಾರ, ಅಮೆರಿಕದ ಫೆಡರಲ್ ರಿಸರ್ವ್ ಬಡ್ಡಿ ದರವನ್ನು ಸ್ಥಿರವಾಗಿಟ್ಟಿದ್ದರೂ ಸಹ ಈ ಕೆಳಗಿನ ಕಾರಣಗಳಿಂದಾಗಿ ಬೆಲೆ ಗಗನಕ್ಕೇರಿದೆ:
ಪಶ್ಚಿಮ ಏಷ್ಯಾ ಉದ್ವಿಗ್ನತೆ: ಅಮೆರಿಕ ಮತ್ತು ಇರಾನ್ ನಡುವಿನ ಯುದ್ಧದ ಭೀತಿ ಹೆಚ್ಚಾಗಿದೆ. ಇರಾನ್ ಬಂದರುಗಳ ಮೇಲೆ ದಿಗ್ಬಂಧನ ಹೇರುವ ಟ್ರಂಪ್ ಅವರ ನಿರ್ಧಾರಕ್ಕೆ ಇರಾನ್ ತೀವ್ರ ಎಚ್ಚರಿಕೆ ನೀಡಿರುವುದು ಮಾರುಕಟ್ಟೆಯಲ್ಲಿ ಅನಿಶ್ಚಿತತೆ ಮೂಡಿಸಿದೆ.
ರೂಪಾಯಿ ಮೌಲ್ಯದ ಸಾರ್ವಕಾಲಿಕ ಕುಸಿತ: ಡಾಲರ್ ಎದುರು ಭಾರತೀಯ ರೂಪಾಯಿ ಮೌಲ್ಯವು ₹95.35 ಕ್ಕೆ ಕುಸಿಯುವ ಮೂಲಕ ಸಾರ್ವಕಾಲಿಕ ದಾಖಲೆ ಬರೆದಿದೆ. ಇದು ದೇಶೀಯವಾಗಿ ಚಿನ್ನದ ಆಮದು ವೆಚ್ಚವನ್ನು ಹೆಚ್ಚಿಸಿದೆ.
ಕಚ್ಚಾ ತೈಲ ಮತ್ತು ಷೇರು ಮಾರುಕಟ್ಟೆ: ಕಚ್ಚಾ ತೈಲ ಬೆಲೆ ನಾಲ್ಕು ವರ್ಷಗಳ ಗರಿಷ್ಠ ಮಟ್ಟಕ್ಕೆ ಏರಿದ್ದರೆ, ಷೇರು ಮಾರುಕಟ್ಟೆ ಭಾರೀ ನಷ್ಟ ಅನುಭವಿಸುತ್ತಿದೆ. ಅನಿಶ್ಚಿತತೆಯ ಈ ಸಮಯದಲ್ಲಿ ಹೂಡಿಕೆದಾರರು ಸುರಕ್ಷಿತ ಹೂಡಿಕೆಯಾಗಿ ಚಿನ್ನದ ಮೊರೆ ಹೋಗುತ್ತಿದ್ದಾರೆ.
ಡಾಲರ್ ಮೌಲ್ಯ ಕುಸಿತ: ಜಾಗತಿಕ ಮಾರುಕಟ್ಟೆಯಲ್ಲಿ ಡಾಲರ್ ಮೌಲ್ಯ ಕುಸಿದಿರುವುದು ಕೂಡ ಚಿನ್ನದ ಮೇಲೆ ಹೂಡಿಕೆ ಹೆಚ್ಚಾಗಲು ಪ್ರೇರಣೆ ನೀಡಿದೆ.
ಭಾರತದ ಪ್ರಮುಖ ನಗರಗಳಲ್ಲಿ 24 ಕ್ಯಾರಟ್ ಚಿನ್ನದ ದರ
ನಗರ 24 ಕ್ಯಾರಟ್ (₹/ಗ್ರಾಂ)
ಚೆನ್ನೈ ₹15,164
ಮುಂಬೈ ₹15,066
ದೆಹಲಿ ₹15,081
ಕೋಲ್ಕತ್ತಾ ₹15,066
ಬೆಂಗಳೂರು ₹15,066
ಹೈದರಾಬಾದ್ ₹15,066
ಕೇರಳ ₹15,066
ಪುಣೆ ₹15,066
ವಡೋದರಾ ₹15,071
ಅಹಮದಾಬಾದ್ ₹15,071
