ಪ್ರಯಾಣಿಕರಿಗೆ ಗುಡ್‌ ನ್ಯೂಸ್: ಏರ್​ ಇಂಡಿಯಾದಿಂದ ಲಂಡನ್​ಗೆ ಹೆಚ್ಚುವರಿ ವಿಮಾನ

ಏರ್​ ಬಬಲ್​ ಒಪ್ಪಂದದ ಅಡಿಯಲ್ಲಿ ಏರ್​ ಇಂಡಿಯಾ ಭಾರತ ಹಾಗೂ ಯುಕೆ ನಡುವೆ ಹೆಚ್ಚುವರಿ ವಿಮಾನವನ್ನ ಬಿಡಲು ನಿರ್ಧರಿಸಿದೆ. ಲಂಡನ್​ಗೆ ಈ ವಿಮಾನಗಳು ದೆಹಲಿ, ಮುಂಬೈ, ಅಹಮದಾಬಾದ್​, ಬೆಂಗಳೂರು, ಅಮೃತ್​ ಸರ, ಕೊಲ್ಕತ್ತಾ , ಕೊಚ್ಚಿ ಹಾಗೂ ಗೋವಾ ಮೂಲಕ ಹೊರಡಲಿವೆ, 2021ರ ಜನವರಿ 1ರಿಂದ ಮಾರ್ಚ್​ 27ರವರೆಗೆ ಏರ್​ ಲೈನ್​ ಅಧಿಕೃತ ವೆಬ್​ಸೈಟ್​ ಖಾತೆ ಮೂಲಕ ಟಿಕೆಟ್​ ಕಾದಿರಿಸಬಹುದಾಗಿದೆ.

ಇತ್ತೀಚೆಗಷ್ಟೇ ಏರ್​ ಬಬಲ್​ ಒಪ್ಪಂದದ ವಿಚಾರವಾಗಿ ಮಾತನಾಡಿದ್ದ ಕೇಂದ್ರ ಸಚಿವ ಪುರಿ, ಭಾರತ ಅಮೆರಿಕ, ಕೆನಡಾ, ಫ್ರಾನ್ಸ್, ಜರ್ಮನಿ ಸೇರಿದಂತೆ ವಿಶ್ವದ 17ರಾಷ್ಟ್ರಗಳ ಜೊತೆ ಒಪ್ಪಂದ ಮಾಡಿಕೊಂಡಿದೆ. ಅಲ್ಲದೇ ಇಟಲಿ , ಬಾಂಗ್ಲಾ, ಖಜಗಿಸ್ತಾನದ ಜೊತೆ ಒಪ್ಪಂದದ ಸಂಬಂಧ ಚರ್ಚೆ ಮುಂದುವರಿದಿದೆ ಅಂತಾ ಹೇಳಿದ್ದರು.