BIG NEWS: ಸಂಭ್ರಮದಲ್ಲಿದ್ದ ಅಭಿಮಾನಿಗಳಿಗೆ ರಾಕಿಂಗ್ ಸ್ಟಾರ್ ಯಶ್ ‘ವಿಶೇಷ’ ಮಾಹಿತಿ

ಜನವರಿ 8 ರಂದು ನಟ ರಾಕಿಂಗ್ ಸ್ಟಾರ್ ಯಶ್ ಅವರ ಹುಟ್ಟುಹಬ್ಬವಿದೆ. ಅವರ ಹುಟ್ಟುಹಬ್ಬವೆಂದರೆ ಅಭಿಮಾನಿಗಳಿಗೆ ಹಬ್ಬದ ಸಂಭ್ರಮ. ಆದರೆ, ಈ ಬಾರಿ ಕೊರೋನಾ ಕಾರಣದಿಂದ ಯಶ್ ಅಭಿಮಾನಿಗಳೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ.

ಅಭಿಮಾನಿಗಳಿಗೆ ಯಶ್ ಅವರು ವಿಡಿಯೋ ಸಂದೇಶದೊಂದಿಗೆ ಮನವಿ ಮಾಡಿದ್ದು, ನೀವಿರುವ ಸ್ಥಳದಲ್ಲಿಯೇ ನನಗೆ ಹಾರೈಸಿ ಎಂದು ಹೇಳಿದ್ದಾರೆ. ನನಗೆ ಅಭಿಮಾನಿಗಳು ತುಂಬಾನೇ ಕೊಟ್ಟಿದ್ದೀರಿ. ನನ್ನನ್ನು ದೊಡ್ಡ ಸ್ಥಾನದಲ್ಲಿ ಕೂರಿಸಿದ್ದೀರಿ. ನಿಮ್ಮ ಋಣವನ್ನು ನಾನೆಂದಿಗೂ ತೀರಿಸಲು ಆಗುವುದಿಲ್ಲ. ನೀವೆಲ್ಲ ಬಹಳ ಖುಷಿಯಲ್ಲಿ ಕಾಯುತ್ತಿರುವ ಜನವರಿ 8 ರಂದು ನೀವಿರುವಲ್ಲಿಯೇ ಹಾರೈಸಿ ಎಂದು ಮನವಿ ಮಾಡಿದ್ದಾರೆ.

ಮೊದಲು ಹುಟ್ಟುಹಬ್ಬ ಆಚರಿಸಿಕೊಳ್ಳದ ನಾನು ಅಭಿಮಾನಿಗಳನ್ನು ಭೇಟಿ ಮಾಡಲು ಬರ್ತಡೇ ದಿನವನ್ನು ಕಾಯುತ್ತಿದ್ದೆ. ಆದರೆ, ಈ ವರ್ಷ ಕೊರೋನಾ ಇರುವುದರಿಂದ ಜನ ಸೇರುವುದು ಸುರಕ್ಷಿತವಲ್ಲ. ಹೆಚ್ಚುಕಮ್ಮಿಯಾದರೆ ನಿಮ್ಮ ಮನೆಯವರಿಗೂ ಹೆಚ್ಚುಕಮ್ಮಿಯಾದರೆ ನನಗೆ ತುಂಬಾ ನೋವಾಗುತ್ತದೆ. ಹೀಗಾಗಿ ಅನವಶ್ಯಕವಾಗಿ ಸೇರದೆ ನೀವು ಎಲ್ಲಿ ಇರುತ್ತೀರೋ ಅಲ್ಲೇ ಹಾರೈಸಿ. ಸೋಷಿಯಲ್ ಮೀಡಿಯಾದಲ್ಲಿ ಶುಭಾಶಯ ತಿಳಿಸಿ. ಜನವರಿ 8 ರಂದು ಬೆಳಗ್ಗೆ 10.18 ನಿಮಿಷಕ್ಕೆ ‘ಕೆಜಿಎಫ್ 2’ ಸ್ಪೆಷಲ್ ಟೀಸರ್ ರಿಲೀಸ್ ಆಗುತ್ತಿದ್ದು ಅದನ್ನು ನೋಡಿ ಆಶೀರ್ವಾದ ಮಾಡಿ ಎಂದು ಮನವಿ ಮಾಡಿದ್ದಾರೆ.

https://twitter.com/TheNameIsYash/status/1346419435750346753