ಕೊರೊನಾ ಬಳಿಕದ ಜೀವನ ಅನುಭವ ಹೇಳಿಕೊಂಡ ನಟಿ ಲಾರಾ ದತ್ತಾ

ಕೊರೊನಾ ವೈರಸ್​ ಸಂಕಷ್ಟದ ಬಳಿಕ ಮನೆಯಲ್ಲೇ ಇರುವ ಬಾಲಿವುಡ್​ ನಟಿ ಲಾರಾ ದತ್ತಾ ತಮ್ಮ ಪತಿ ಮಹೇಶ್ ಭೂಪತಿ ಜೊತೆಗಿನ ಸೆಲ್ಫಿ ಫೋಟೊಗಳನ್ನ ಇನ್​​ಸ್ಟಾಗ್ರಾಂನಲ್ಲಿ ಶೇರ್​ ಮಾಡುವ ಮೂಲಕ ತಮ್ಮ ಈ ವರ್ಷದ ಅನುಭವವನ್ನ ಹಂಚಿಕೊಂಡಿದ್ದಾರೆ.

ಬೆಳಗ್ಗೆ ಎದ್ದೊಡನೆಯೇ ಅದೇ ನೈಟ್​ ಪೈಜಾಮಾದಲ್ಲೇ ಹಲವಾರು ಸೆಲ್ಫಿಗಳನ್ನ ಪೋಸ್ಟ್ ಮಾಡಿರುವ ಲಾರಾ ದತ್ತಾ, ಕೊರೊನಾ ವೈರಸ್​ನಿಂದಾಗಿ ನನ್ನ ಪತಿಗೆ ನಾನು ನನ್ನ ಕೂದಲಿನ ಆರೈಕೆ ಹೇಗೆ ಮಾಡುತ್ತೇನೆ ಎಂಬ ವಿಚಾರ ಗೊತ್ತಾಗಿದೆ ಅಂತಾ ಫನ್ನಿಯಾಗಿ ಕ್ಯಾಪ್ಶನ್​ ನೀಡಿದ್ದಾರೆ.

ಮಾಜಿ ವಿಶ್ವಸುಂದರಿ ಲಾರಾ ದತ್ತಾ 2011ರಲ್ಲಿ ಮಾಜಿ ಟೆನ್ನಿಸ್​ ಪ್ಲೇಯರ್​ ಮಹೇಶ್ ಭೂಪತಿಯನ್ನ ವಿವಾಹವಾಗಿದ್ರು. ಈ ದಂಪತಿಗೆ ಸೈರಾ ಎಂಬ ಪುತ್ರಿ ಕೂಡ ಇದ್ದಾರೆ. ಇನ್​ಸ್ಟಾಗ್ರಾಂನಲ್ಲಿ ಆಕ್ಟಿವ್​ ಆಗಿರುವ ಲಾರಾ ಪತಿಯೊಂದಿಗಿನ ಫನ್ನಿ ಮೂಮೆಂಟ್​ಗಳನ್ನ ಶೇರ್​ ಮಾಡುತ್ತಲೇ ಇರ್ತಾರೆ.