ಬಾಲಿವುಡ್ ನಟಿ ಮಾಧುರಿ ದಿಕ್ಷಿತ್ ನಟನೆಯ ಜೊತೆ ಜೊತೆಗೆ ನೃತ್ಯದ ಮೂಲಕವೇ ಅಭಿಮಾನಿಗಳನ್ನ ಹೆಚ್ಚು ಸೆಳೆದಿದ್ದಾರೆ. ನೃತ್ಯ ಲೋಕದಲ್ಲಿ ತನ್ನದೇ ಆದ ಛಾಪನ್ನ ಮೂಡಿಸಿರುವ ಮಾಧುರಿ ದೀಕ್ಷಿತ್ರನ್ನೇ ತನ್ನ ಡ್ಯಾನ್ಸಿಂಗ್ ಶೈಲಿ ಮೂಲಕ ಹಳ್ಳಿ ಹುಡುಗಿಯೊಬ್ಬಳು ಮಾರು ಹೋಗುವಂತೆ ಮಾಡಿದ್ದಾಳೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ವಿಡಿಯೋದಲ್ಲಿ ಬಾಲಕಿ 1957ರಲ್ಲಿ ತೆರೆ ಕಂಡ ಮದರ್ ಇಂಡಿಯಾ ಎಂಬ ಸಿನಿಮಾದ ಗೂಂಘಟ್ ನಹಿ ಕೋಲೂಂಗಿ ಸೈಯ್ಯಾ ಎಂಬ ಹಾಡಿಗೆ ಹೆಜ್ಜೆ ಹಾಕಿದ್ದಾಳೆ.
ಈ ಬಾಲಕಿ ನೃತ್ಯ ಮಾಡುತ್ತಿರುವ ವಿಡಿಯೋವನ್ನ ಸ್ವತಃ ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿದ ನಟಿ ಮಾಧುರಿ ದೀಕ್ಷಿತ್ ಈಕೆ ತುಂಬಾ ಸುಂದರವಾಗಿ ನೃತ್ಯ ಮಾಡಿದ್ದಾಳೆ ಎಂದು ಹಾಡಿ ಹೊಗಳಿದ್ದಾರೆ. ಇಂತಹ ಇನ್ನೂ ಅನೇಕ ಪ್ರತಿಭೆಗಳನ್ನ ಹುಡುಕಬೇಕಿದೆ ಎಂದು ಬರೆದುಕೊಂಡಿದ್ದಾರೆ.
Loading ...