ಬಾಲಿವುಡ್ ಜೋಡಿ ವಿವಾಹಕ್ಕೆ ಸಿದ್ದವಾಗಿದೆ ವೇದಿಕೆ

ಬಾಲಿವುಡ್​ ನಟ ವರುಣ್​ ಧವನ್​ ಹಾಗೂ ಅವರ ಗೆಳತಿ ನತಾಶಾ ದಲಾಲ್​ ವೈವಾಹಿಕ ಜೀವನಕ್ಕೆ ಕಾಲಿಡೋಕೆ ಇನ್ನೇನು ದಿನಗಣನೆ ಶುರುವಾಗಿದೆ. ಅಲಿಭಾಗ್​​ನಲ್ಲಿ ಈ ಜೋಡಿ ಜನವರಿ 24ರಂದು ಅದ್ಧೂರಿಯಾಗಿ ಮದುವೆಯಾಗಲಿದ್ದಾರೆ.

ಅಲಿಬಾಗ್​​ನ ದ ಮ್ಯಾನ್ಶನ್​ ಹೌಸ್​​ನಲ್ಲಿ ವರುಣ್​ ಹಾಗೂ ನತಾಶಾ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ. ಈಗಾಗಲೇ ವರುಣ್​ ಧವನ್​ ಕುಟುಂಬಸ್ಥರು ಮ್ಯಾನ್ಶನ್​ ಹೌಸ್​​ಗೆ ತೆರಳಿದ್ದಾರೆ.

ಅಲಿಬಾಗ್​ನ ಈ ಮ್ಯಾನ್ಶನ್​ ಹೌಸ್​​ ಅತ್ಯಂತ ಸುಂದರವಾದ ಪ್ರಕೃತಿ ಸೌಂದರ್ಯವನ್ನ ಹೊಂದಿರುವ ಕಟ್ಟಡವಾಗಿದೆ. ಸುತ್ತಲೂ ತೆಂಗಿನಮರಗಳನ್ನ ಹೊಂದಿರುವ ಈ ಸ್ಥಳ ಅತ್ಯಂತ ಪ್ರಶಾಂತವಾಗಿದೆ. ಇದು ಸಸವಾನೆ ಬೀಚ್​ಗೆ ಸಮೀಪದಲ್ಲಿದೆ.

ಈ ಮ್ಯಾನ್ಶನ್​ ಹೌಸ್​ನಲ್ಲಿ 25 ಐಶಾರಾಮಿ ಕೊಠಡಿಗಳಿವೆ. ಪ್ರತಿಯೊಂದು ಕೊಠಡಿಗೂ 375-450 ಸ್ಕ್ವೇರ್​ ಫೀಟ್​ ವಿಸ್ತೀರ್ಣ ಹೊಂದಿದೆ. ಪ್ರತಿಯೊಂದು ಕೊಠಡಿಯನ್ನೂ ಆಕಾಶದ ಸುಂದರ ಚಿತ್ರಣ ಕಾಣುವಂತೆ ವಿನ್ಯಾಸ ಮಾಡಲಾಗಿದೆ. ಪ್ರತಿ ಕೊಠಡಿಯ ಸ್ನಾನಗೃಹದಲ್ಲಿ ಮಾಸ್ಕೋಟ್​ ಟೆಡ್ಡಿ ಬಿಯರ್​ ಗೊಂಬೆ ಇಡಲಾಗಿದೆ.

ಮ್ಯಾನ್ಶನ್​ ಹೌಸ್​​ನಲ್ಲಿ ಮುಂಬೈನಿಂದ 20 ನಿಮಿಷಗಳ ಸ್ಪೇಸ್​ ಬೋಟ್​ ರೈಡ್​​ ವ್ಯವಸ್ಥೆ ಇದೆ. ಇಷ್ಟೆಲ್ಲ ವ್ಯವಸ್ಥೆ ಹೊಂದಿರುವ ಈ ಐಶಾರಾಮಿ ಕಟ್ಟಡದ ಬಾಡಿಗೆ ಎಷ್ಟಿರಬಹುದು ಎಂದು ಯೋಚನೆ ಮಾಡ್ತಿದ್ದೀರಾ? ಈ ಸಂಪೂರ್ಣ ಆಸ್ತಿಯನ್ನ ಒಂದು ದಿನಕ್ಕೆ ಬಾಡಿಗೆ ಪಡೆಯಬೇಕು ಅಂದರೆ ನೀವು 4 ಲಕ್ಷ ರೂಪಾಯಿ ಪಾವತಿ ಮಾಡಬೇಕು.

https://www.instagram.com/p/B23G-pwFAuL/?utm_source=ig_web_copy_link

https://www.instagram.com/p/B8zAcbvpfxp/?utm_source=ig_web_copy_link

https://www.instagram.com/p/CF87ewAJaZM/?utm_source=ig_web_copy_link