ಬಾಲಿವುಡ್ನ ಸಿನಿಮಾಗಳು ಭಾರತದಲ್ಲಿ ಮಾತ್ರವಲ್ಲದೇ ವಿದೇಶಗಳಲ್ಲೂ ತನ್ನದೇ ಆದ ಛಾಪನ್ನ ಮೂಡಿಸಿವೆ. ಬಾಲಿವುಡ್ನ ಅದೆಷ್ಟೋ ತಾರೆಯರು ಹಾಲಿವುಡ್ ಅಂಗಳದಲ್ಲೂ ಮಿಂಚಿದ್ದಾರೆ. ಇದೀಗ ಇಂಡೋನೇಷಿಯಾದ ಯುಟ್ಯೂಬ್ ಸೆಲೆಬ್ರಿಟಿ ಬಾಲಿವುಡ್ ಸಿನಿಮಾವೊಂದರ ಸೀನ್ನ್ನ ಮರು ಸೃಷ್ಟಿಸಿದೆ.
1990ರಲ್ಲಿ ರಿಲೀಸ್ ಆಗಿ ಬ್ಲಾಕ್ ಬಸ್ಟರ್ ಹಿಟ್ ಕಂಡ ಸಿನಿಮಾ ಕುಚ್ ಕುಚ್ ಹೋತಾ ಹೈ ಸಿನಿಮಾದ ಸೀನ್ನ್ನ ವೀನಾ ಫ್ಯಾನ್ ಎಂಬ ಯುಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ.
5 ನಿಮಿಷಗಳ ಈ ಮರುಸೃಷ್ಟಿಯ ವಿಡಿಯೋ ಮೂಲ ಸಿನಿಮಾದ ದೃಶ್ಯವನ್ನ ಬಹುತೇಕ ಹೋಲುತ್ತಿದೆ. ಅಲ್ಲದೇ ಕುಚ್ ಕುಚ್ ಹೋತಾ ಹೈ ಸಿನಿಮಾದ ದೃಶಾವಳಿಯಲ್ಲಿ ಶಾರುಖ್ ಹಾಗೂ ಕಾಜೊಲ್ ಧರಿಸಿದ್ದ ಡ್ರೆಸ್ಗಳನ್ನ ಹೋಲುವ ಉಡುಪನ್ನೇ ಧರಿಸಲಾಗಿದೆ. ಈ ವಿಡಿಯೋವನ್ನ ಯೂಟ್ಯೂಬ್ನಲ್ಲಿ ಅಪ್ಲೋಡ್ ಮಾಡುತ್ತಿದ್ದಂತೆ ಭಾರತ ಹಾಗೂ ಇಂಡೋನೇಷಿಯಾದ ಬಾಲಿವುಡ್ ಸಿನಿಮಾದ ಅಭಿಮಾನಿಗಳು ಕಮೆಂಟ್ ಬಾಕ್ಸ್ನಲ್ಲಿ ಪ್ರಶಂಸೆಗಳ ಸುರಿಮಳೆಯನ್ನೇ ಹರಿಸಿದ್ದಾರೆ.
Loading ...