ಚೆನ್ನೈ: ಜನಪ್ರಿಯ ಟೆಲಿ ಧಾರಾವಾಹಿ ‘ಮರ್ಮದೇಶಂ’ನಲ್ಲಿ ಬಾಲ ಕಲಾವಿದನಾಗಿ ಕೆಲಸ ಮಾಡಿದ ಖ್ಯಾತಿಯ ತಮಿಳು ಕಿರುತೆರೆ ನಟ ಲೋಕೇಶ್ ರಾಜೇಂದ್ರನ್(34) ಮಂಗಳವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
‘ಮರ್ಮದೇಶಂ’ ಎಂಬ ರಹಸ್ಯ ಸಂಕಲನದ ಐದು ಭಾಗಗಳಲ್ಲಿ ಒಂದಾದ ‘ವಿಡತು ಕರುಪ್ಪು’ ಚಿತ್ರದಲ್ಲಿ ಲೋಕೇಶ್‌ನ ‘ರಾಸು’ ಪಾತ್ರವು ಪ್ರತಿ ತಮಿಳು ಟೆಲಿವಿಷನ್ ಧಾರಾವಾಹಿಯ ಅಭಿಮಾನಿಗಳ ನೆನಪಿನಲ್ಲಿ ಇಂದಿಗೂ ಅಚ್ಚಳಿಯದೆ ಉಳಿದಿದೆ.
ಲೋಕೇಶ್ ಅವರ ತಂದೆಯ ಪ್ರಕಾರ, ಅವರ ಮಗ 150 ಕ್ಕೂ ಹೆಚ್ಚು ಧಾರಾವಾಹಿಗಳನ್ನು ಮತ್ತು 15 ಚಲನಚಿತ್ರಗಳನ್ನು ತಮಿಳು ಅಗ್ರ ನಟರಾದ ವಿಜಯಕಾಂತ್, ಪ್ರಭು ಮತ್ತು ಇತರರೊಂದಿಗೆ ಮಾಡಿದ್ದಾರೆ. ಲೋಕೇಶ್ ಮದುವೆಯಾಗಿದ್ದು, ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ.
ಒಂದು ತಿಂಗಳ ಹಿಂದೆ, ಅವರ (ಲೋಕೇಶ್ ಮತ್ತು ಅವರ ಪತ್ನಿ) ನಡುವೆ ಕೆಲವು ತಪ್ಪು ತಿಳಿವಳಿಕೆ ಇತ್ತು ಎಂದು ನನಗೆ ತಿಳಿದಿತ್ತು. ನಾಲ್ಕು ದಿನಗಳ ಹಿಂದೆ ಪತ್ನಿಯಿಂದ ವಿಚ್ಛೇದನಕ್ಕೆ ಲೀಗಲ್ ನೋಟಿಸ್ ಬಂದಿತ್ತು. ಅವರು ಖಿನ್ನತೆಗೆ ಒಳಗಾಗಿದ್ದರು. ನಾನು ಅವರನ್ನು (ಲೋಕೇಶ್) ಕೊನೆಯದಾಗಿ ಶುಕ್ರವಾರ ನೋಡಿದೆ, ಅವರು ಸ್ವಲ್ಪ ಹಣ ಬೇಕು ಎಂದು ಕೇಳಿದ್ದು, ನಾನು ಹಣ ಕೊಟ್ಟಿದ್ದೇನೆ ಎಂದರು.
ಪೊಲೀಸರ ಪ್ರಕಾರ, ಲೋಕೇಶ್ ತನ್ನ ಕೌಟುಂಬಿಕ ಸಮಸ್ಯೆಗಳಿಂದ ಕುಡಿತದ ಚಟ ಹೊಂದಿದ್ದನು ಮತ್ತು ಚೆನ್ನೈ ಮೊಫುಸಿಲ್ ಬಸ್ ಟರ್ಮಿನಸ್ (CMBT) ನಲ್ಲಿ ಆಗಾಗ್ಗೆ ಮಲಗುತ್ತಿದ್ದರು. ಸೋಮವಾರ, ಬಸ್ ಟರ್ಮಿನಸ್ ನಲ್ಲಿ ದಾರಿಹೋಕರು ಅವರು ಅಸ್ವಸ್ಥತೆಯಲ್ಲಿರುವುದನ್ನು ಗಮನಿಸಿ ಆಂಬುಲೆನ್ಸ್ ನಲ್ಲಿ ಆಸ್ಪತ್ರೆಗೆ ಕಳಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಮಂಗಳವಾರ ರಾತ್ರಿ ಅವರು ಕೊನೆಯುಸಿರೆಳೆದಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
Loading ...