ಸುಶಾಂತ್‌ ಸಿಂಗ್‌ ರ ಮೇಣದ ಪ್ರತಿಮೆ ಅನಾವರಣ

ಪಶ್ಚಿಮ ಬಂಗಾಳದ ಶಿಲ್ಪಿಯೊಬ್ಬರು ದಿವಂಗತ ಬಾಲಿವುಡ್‌ ನಟ ಸುಶಾಂತ್‌ ಸಿಂಗ್ ರಜಪೂತ್‌ರ ಮೇಣದ ಪ್ರತಿಮೆಯೊಂದನ್ನು ಕೆತ್ತಿದ್ದಾರೆ. ಲಂಡನ್‌ನ ಮೇಡಮ್ ಟಸ್ಸಾಡ್ಸ್‌ನಲ್ಲಿರುವ ಪ್ರತಿಮೆಗಳಂತೆ ಈ ಪ್ರತಿಮೆ ಸಹ ಲೈಫ್‌ ಸೈಜ್‌ನದ್ದಾಗಿದೆ.

ಅಸನ್‌ಸೋಲ್‌ನ ವಸ್ತು ಸಂಗ್ರಹಾಲಯದಲ್ಲಿ ಈ ಪ್ರತಿಮೆಯನ್ನು ಪ್ರದರ್ಶನಕ್ಕೆ ಇಡಲಾಗಿದೆ. ತಮ್ಮ ಕೆಲಸದ ಬಗ್ಗೆ ಮಾತನಾಡಿದ ಸುಶಾಂತಾ ರೇ, “ನನಗೆ ಆತ ಇಷ್ಟವಾಗುತ್ತಿದ್ದ. ಆತ ಸಾವನ್ನಪ್ಪಿದ್ದು ದುರದೃಷ್ಟಕರ. ಆತನ ನೆನಪಿನಲ್ಲಿ, ನನ್ನ ಮ್ಯೂಸಿಯಂನಲ್ಲಿ ಈ ಪ್ರತಿಮೆಯನ್ನು ಮಾಡಿದ್ದೇನೆ. ಸುಶಾಂತ್‌ರ ಕುಟುಂಬ ಹೊಸ ಪ್ರತಿಮೆ ಬೇಕೆಂದು ಕೇಳಿದಲ್ಲಿ ನಾನು ಹೊಸದೊಂದನ್ನು ಮಾಡುವೆ” ಎಂದು ತಿಳಿಸಿದ್ದಾರೆ.

ಸುಶಾಂತ್‌‌ರ ಪ್ರತಿಮೆಯನ್ನು ಕುರ್ಚಿಯೊಂದರ ಪಕ್ಕ ನಿಂತಿರುವಂತೆ ಕೆತ್ತಲಾಗಿದ್ದು, ವೀಕ್ಷಕರು ಪ್ರತಿಮೆ ಬಳಿ ಕುಳಿತುಕೊಂಡು ಅದರ ಜೊತೆಗೆ ಒಂದು ನೆನಪಿನ ಫೋಟೋ ತೆಗೆದುಕೊಳ್ಳಬಹುದಾಗಿದೆ.

https://www.facebook.com/WaxMuseumIndiaSculpturingBySusantaRay/videos/4424088114299529