ಅಭಿಮಾನಿಯ ಪುಟ್ಟ ಅಂಗಡಿಗೆ ನಟ ಸೋನು ಸೂದ್ ಅನಿರೀಕ್ಷಿತ ಭೇಟಿ​..!

ಲಾಕ್​ಡೌನ್​ ಸಮಯದಲ್ಲಿ ವಲಸೆ ಕಾರ್ಮಿಕರಿಗೆ ಸಾರಿಗೆ ಸೌಕರ್ಯ, ಊಟದ ಸೌಕರ್ಯ ಒದಗಿಸೋದ್ರ ಜೊತೆಗೆ ಸಹಾಯ ಕೇಳಿ ಬಂದವರಿಗೆ ಪ್ರಮಾಣ ಕೊಟ್ಟರೆ ಆ ಮಾತನ್ನ ಉಳಿಸಿಕೊಳ್ತಾರೆ ಸೋನು ಸೂದ್​.

ಇದೀಗ ಕ್ರಿಸ್​ ಮಸ್​ ಡೇ ದಿನ ಹೈದರಾಬಾದ್​ನಲ್ಲಿರುವ ತಮ್ಮ ಅಭಿಮಾನಿಯೊಬ್ಬರ ಫುಡ್​ ಸ್ಟಾಲ್​ಗೆ ಖುದ್ದು ಭೇಟಿ ನೀಡುವ ಮೂಲಕ ಅಭಿಮಾನಿಗೆ ಸಪ್ರೈಸ್​ ನೀಡಿದ್ದಾರೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಸೋನು ಸೂದ್​, ಅನಿಲ್​ ಅವರು ಸ್ಥಾಪಿಸಿದ್ದ ಫುಡ್​ ಸ್ಟಾಲ್​ ಬಗ್ಗೆ ಸೋಶಿಯಲ್​ ಮೀಡಿಯಾದಲ್ಲಿ ನೋಡಿದ್ದೆ. ಹೀಗಾಗಿ ಇಲ್ಲಿನ ರುಚಿ ಸವಿಯೋಣ ಎಂದು ಬಂದೆ. ನಾನು ಇಲ್ಲಿ ಎಗ್​ ಪ್ರೈಡ್​ರೈಸ್​ ಹಾಗೂ ಮಂಚೂರಿಯನ್​ ಸೇವನೆ ಮಾಡಿದ್ದೇನೆ ಎಂದು ಹೇಳಿದ್ರು.

ಲಾಕ್​ಡೌನ್​ ಸಮಯದಲ್ಲಿ ಸೋನು ಸೂದ್​ ಮಾಡಿದ ಸಮಾಜಮುಖಿ ಕಾರ್ಯಗಳನ್ನ ನೋಡಿ ಖುಷಿಪಟ್ಟ ಅನಿಲ್​ ತಮ್ಮ ಫುಡ್​ ಸ್ಟಾಲ್​ಗೆ ಸೋನು ಸೂದ್​ ಫುಡ್​ ಸ್ಟಾಲ್​ ಎಂದೇ ನಾಮಕರಣ ಮಾಡಿದ್ದರು. ಈ ವಿಚಾರ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡಿತ್ತು. ಇದೀಗ ಖುದ್ದು ಸೋನು ಸೂದ್​ರೇ ಈ ರಸ್ತೆ ಬದಿಯ ಅಂಗಡಿಗೆ ಭೇಟಿ ನೀಡಿ ಸರಳತೆ ಮೆರೆದಿದ್ದು ಅನಿಲ್​ ಖುಷಿಗೆ ಪಾರವೇ ಇಲ್ಲ ಎಂಬಂತಾಗಿದೆ.