‘ಮನ್ನತ್ ಈಗ ಜನ್ನತ್’ ಎಂದ್ರು ಶಾರುಖ್ ಫ್ಯಾನ್ಸ್: ದೀಪಾಲಂಕಾರದಿಂದ ಕಂಗೊಳಿಸಿದ SRK ಹೌಸ್

ಮುಂಬೈ: ಶಾರುಖ್ ಖಾನ್ 56 ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ನಿನ್ನೆ ಅವರ ಹುಟ್ಟುಹಬ್ಬದ ಮುನ್ನಾ ದಿನದಿಂದಲೂ ಅವರ ಮನೆ ‘ಮನ್ನತ್’ ಅನ್ನು ವಿದ್ಯುತ್ ದೀಪಗಳಿಂದ ಅಲಂಕರಿಸಲಾಗಿದೆ.

ಶಾರುಖ್ ಪುತ್ರ ಆರ್ಯನ್ ಖಾನ್ ಡ್ರಗ್ಸ್ ಪ್ರಕರಣದಲ್ಲಿ ಸುಮಾರು ಒಂದು ತಿಂಗಳು ಜೈಲಿನಲ್ಲಿ ಕಳೆದ ನಂತರ ಮನೆಗೆ ಹಿಂದಿರುಗಿದ್ದಾರೆ. ಶಾರುಖ್ ಬರ್ತಡೇ ಮತ್ತು ದೀಪಾವಳಿ ಹಬ್ಬಕ್ಕಾಗಿ ಅವರ ಮನ ಮನ್ನತ್ ಕಂಗೊಳಿಸುತ್ತಿದೆ.

ವೈರಲ್ ಭಯಾನಿ ಅವರು Instagram ನಲ್ಲಿ ಹಂಚಿಕೊಂಡ ವಿಡಿಯೋದಲ್ಲಿ ಬಾಂದ್ರಾದಲ್ಲಿರುವ SRK ಅವರ ನಿವಾಸವು ವಿದ್ಯುತ್ ದೀಪಗಳಿಂದ ಕಂಗೊಳಿಸಿದೆ. ಮನೆಯ ಪ್ರತಿಯೊಂದು ಮಹಡಿಯನ್ನು ದೀಪಗಳಿಂದ ಅಲಂಕರಿಸಲಾಗಿದೆ.

ಶಾರುಖ್ ಖಾನ್ ಅವರ 56 ನೇ ಹುಟ್ಟುಹಬ್ಬವನ್ನು ಇಂದು ನವೆಂಬರ್ 2 ರಂದು ಆಚರಿಸಲಾಗುತ್ತಿದೆ. ಅವರ ಹಿರಿಯ ಮಗ ಆರ್ಯನ್ ಹುಟ್ಟುಹಬ್ಬವು ನವೆಂಬರ್ 13 ರಂದು ಇದೆ.

ಮನೆ ಎಷ್ಟು ಸುಂದರವಾಗಿದೆ ಎಂದು SRK ಅಭಿಮಾನಿಗಳು ಮೆಚ್ಚುಗೆಯೊಂದಿಗೆ ಪೋಸ್ಟ್‌ ಗೆ ಕಾಮೆಂಟ್ ಮಾಡಿದ್ದಾರೆ. ಮನ್ನತ್ ತೋ ಜನ್ನತ್ ಬನ್ ಗಯಾ(ಮನ್ನತ್ ಸ್ವರ್ಗವಾಗಿ ಮಾರ್ಪಟ್ಟಿದೆ) ಎಂದು ಅಭಿಮಾನಿಯೊಬ್ಬರು ಬರೆದಿದ್ದಾರೆ. ಶಾರುಖ್ ಬರ್ತಡೇ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ.