ಮುಂಬೈ: ಖ್ಯಾತ ನಟ ಸಲ್ಮಾನ್ ಖಾನ್ ಜನನಿಬಿಡ ಪ್ರದೇಶದಲ್ಲಿ ಆಟೋ ಚಾಲನೆ ಮಾಡಿದ್ದಾರೆ. ಆಟೋದ ಡ್ರೈವರ್ ಸೀಟಿನಲ್ಲಿ ಸಲ್ಮಾನ್ ಖಾನ್ ಕಾಣಿಸಿಕೊಂಡಿದ್ದಾರೆ. ತಮ್ಮ ಪನ್ವೆಲ್ ಫಾರ್ಮ್‌ಹೌಸ್‌ ನಲ್ಲಿ ಕೆಲವು ದಿನಗಳಿಂದ ತಂಗಿರುವ ಸಲ್ಮಾನ್ ಸಮೀಪದಲ್ಲೇ ಆಟೋ ಚಾಲನೆ ಮಾಡಿದ್ದಾರೆ.
ಇನ್‌ಸ್ಟಾಗ್ರಾಮ್‌ ನಲ್ಲಿ ಅಭಿಮಾನಿಗಳ ಖಾತೆಯಿಂದ ಹಂಚಿಕೊಂಡ ವೀಡಿಯೊದಲ್ಲಿ, ನಟ ಕಪ್ಪು ಶಾರ್ಟ್ಸ್ ಮತ್ತು ನೀಲಿ ಟಿ-ಶರ್ಟ್ ಧರಿಸಿದ್ದಾರೆ. ಆಟೋದಲ್ಲಿ ಒಂದೆರಡು ಜನರನ್ನು ಕೂರಿಸಿಕೊಂಡು ಸವಾರಿ ಮಾಡಿದ್ದಾರೆ.
ಫಾರ್ಮ್‌ಹೌಸ್‌ನಲ್ಲಿ ತಮ್ಮ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ ಸಲ್ಮಾನ್ ಪನ್ವೆಲ್‌ನಲ್ಲಿ ಕಾಣಿಸಿಕೊಂಡರು. ಸೋಮವಾರ 56 ನೇ ವರ್ಷಕ್ಕೆ ಕಾಲಿಟ್ಟ ನಟ, ತಮ್ಮ ಸೋದರ ಸೊಸೆ ಆಯತ್ ಅವರೊಂದಿಗೆ ಹುಟ್ಟುಹಬ್ಬದ ಕೇಕ್ ಅನ್ನು ಕತ್ತರಿಸಿದ್ದಾರೆ.
ಹುಟ್ಟುಹಬ್ಬಕ್ಕೆ ಒಂದು ದಿನ ಮೊದಲು ಹಾವು ಕಚ್ಚಿದ ಕಾರಣ ಸಲ್ಮಾನ್ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಕೆಲವು ಗಂಟೆಗಳ ನಂತರ ಅವರನ್ನು ಬಿಡುಗಡೆ ಮಾಡಲಾಯಿತು. ಆ ರಾತ್ರಿಯ ನಂತರ, ಅವರು ತಮ್ಮ ಫಾರ್ಮ್‌ಹೌಸ್‌ನ ಹೊರಗೆ ಮಾಧ್ಯಮದವರನ್ನು ಭೇಟಿಯಾಗಿ ಆರೋಗ್ಯವಾಗಿದ್ದೇನೆ ಎಂದು ತಿಳಿಸಿದ್ದರು.
ಪನ್ವೇಲ್ ರಸ್ತೆಗಳಲ್ಲಿ ಸಲ್ಮಾನ್ ಖಾನ್ ಆಟೋ ಚಾಲನೆ ಮಾಡಿದ್ದನ್ನು ಗಮನಿಸಿದ ಅಭಿಮಾನಿಗಳು ಅವರನ್ನು ಸುತ್ತುವರೆದು ಸಂಭ್ರಮಿಸಿದ್ದಾರೆ.
Loading ...