‘ರಾಬರ್ಟ್’ ಭರ್ಜರಿ ಸಕ್ಸಸ್: ಮಂತ್ರಾಲಯದಲ್ಲಿ ಗುರುರಾಯರ ‘ದರ್ಶನ’

‘ರಾಬರ್ಟ್’ ಯಶಸ್ಸಿನ ಸಂತಸದಲ್ಲಿರುವ ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮಂತ್ರಾಲಯಕ್ಕೆ ಭೇಟಿ ನೀಡಿ ಗುರುರಾಯರ ದರ್ಶನ ಪಡೆದಿದ್ದಾರೆ.

ಮಠದಲ್ಲಿ ನಡೆದ ಗುರುಭಕ್ತಿ ಉತ್ಸವ ಕಾರ್ಯಕ್ರಮದಲ್ಲಿ ದರ್ಶನ್ ಭಾಗಿಯಾಗಿದ್ದು, ಸ್ವಾಮೀಜಿಗಳ ಆಶೀರ್ವಾದ ಪಡೆದುಕೊಂಡಿದ್ದಾರೆ. ನಂತರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಶ್ರೀ ಗುರುರಾಘವೇಂದ್ರ ಸ್ವಾಮಿಗಳ ಬೃಂದಾವನ ದರ್ಶನ ಪಡೆಯುವುದು ದೊಡ್ಡ ಪುಣ್ಯವೆಂದು ಹೇಳಿದ್ದಾರೆ.

‘ರಾಬರ್ಟ್’ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಇದಕ್ಕೆ ಕಾರಣರಾದ ಎಲ್ಲರಿಗೂ ಧನ್ಯವಾದ ಹೇಳುತ್ತೇನೆ. ಪೈರಸಿ ನಂತರದಲ್ಲೂ ಸಿನಿಮಾ ಯಶಸ್ವಿ ಪ್ರದರ್ಶನ ಕಾಣುತ್ತಿದ್ದು, ಏಕೆ ಪೈರಸಿ ಮಾಡಿದ್ದಾರೆಂಬುದನ್ನು ಅವರಿಗೇ ಕೇಳಬೇಕೆಂದು ತಿಳಿಸಿದ್ದಾರೆ.