ಅಭಿಮಾನಿ ಜೊತೆ ಸ್ಕೂಟರ್​ ಏರಿ ʼಜಾಲಿ ರೈಡ್ʼ​ ಮಾಡಿದ ರಾಖಿ

ಪರಿಸ್ಥಿತಿ ಎಂತದ್ದೇ ಇರಲಿ ಪ್ಯಾಪರಾಜಿಗಳನ್ನ ತನ್ನತ್ತ ಸೆಳೆಯುವಲ್ಲಿ ಬಾಲಿವುಟ್​ ನಟಿ ರಾಖಿ ಸಾವಂತ್​ ಯಶಸ್ವಿಯಾಗಿಬಿಡ್ತಾರೆ. ಬಿಗ್​ಬಾಸ್​ ಖ್ಯಾತಿಯ ಈ ನಟಿ ಸದಾ ಒಂದಿಲ್ಲೊಂದು ಹೇಳಿಕೆಗಳ ಮೂಲಕ ಸುದ್ದಿಯಲ್ಲಿ ಇರ್ತಾರೆ. ಅದೇ ರೀತಿ ಈ ಬಾರಿ ಅಭಿಮಾನಿಯ ಜೊತೆ ಬೈಕ್​ ರೈಡ್​ ಮಾಡುವ ಮೂಲಕ ಸೋಶಿಯಲ್​ ಮೀಡಿಯಾದಲ್ಲಿ ಮತ್ತೊಮ್ಮೆ ಧೂಳೆಬ್ಬಿಸಿದ್ದಾರೆ.

ಜಿಮ್​ ಮುಗಿಸಿ ಕಾರಿನಲ್ಲಿ ತೆರಳುತ್ತಿದ್ದ ರಾಖಿ ಸಾವಂತ್​ ಮಾರ್ಗಮಧ್ಯದಲ್ಲಿ ತಮ್ಮ ಅಭಿಮಾನಿಯ ಸ್ಕೂಟಿ ಏರಿದ್ದಾರೆ. ಹಳದಿ ಬಣ್ಣದ ಟೀ ಶರ್ಟ್, ನೀಲಿ ಬಣ್ಣದ ಟ್ರ್ಯಾಕ್ ಪ್ಯಾಂಟ್​ ಧರಿಸಿರೋ ರಾಖಿ ಬೆನ್ನಿಗೆ ಬ್ಯಾಗ್​ ಹಾಗೂ ಕೈಯಲ್ಲಿ ಬಾಟಲಿ ಹಿಡಿದಿರೋದನ್ನ ನೀವು ಕಾಣಬಹುದಾಗಿದೆ.

ಅಭಿಮಾನಿಯ ಹಳದಿ ಬಣ್ಣದ ಸ್ಕೂಟಿಯಲ್ಲಿ ಕುಳಿತ ರಾಖಿ ರೌಂಡ್ಸ್​​ ಹಾಕಿದ್ದಾರೆ. ಅಭಿಮಾನಿ ಸ್ಕೂಟಿ ಬ್ರೇಕ್​ ಹಾಕುತ್ತಿದ್ದಂತೆಯೇ ಈತ ಬೇಕಂತಲೇ ಬ್ರೇಕ್​ ಹಾಕುತ್ತಿದ್ದಾನೆ ಎಂದು ಹಾಸ್ಯ ಚಟಾಕಿ ಹಾರಿಸಿದ್ರು.

ನೀವು ಸಹ ಸ್ಕೂಟಿ ಚಲಾಯಿಸಿ ಎಂಬ ಪ್ಯಾಪರಾಜಿಗಳ ಬೇಡಿಕೆಗಳನ್ನ ನಯವಾಗಿ ನಿರಾಕರಿಸಿದ ರಾಖಿ ನನಗೆ ಸೈಕಲ್​ ಕೂಡ ಚಲಾಯಿಸೋಕೆ ಬರೋದಿಲ್ಲ ಎಂದು ಹೇಳಿ ತಮ್ಮ ಕೆಂಪು ಬಣ್ಣದ ಕಾರನ್ನೇರಿ ಅಲ್ಲಿಂದ ತೆರಳಿದ್ದಾರೆ. ಈ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

https://www.facebook.com/etimesofficial/videos/330956085413886/?extid=WA-UNK-UNK-UNK-AN_GK0T-GK1C