ಮದುವೆ ಧಿರಿಸಿನಲ್ಲೇ ಸಮರ ಕಲೆ ಪ್ರದರ್ಶಿಸಿದ ವಧು..! ವಿಡಿಯೋಗೆ ನೋಡುಗರಿಂದ ಸಿಕ್ಕಿದೆ ಅಪಾರ ಮೆಚ್ಚುಗೆ

ತಮಿಳುನಾಡಿನ ತೂತುಕುಡಿಯ ತಿರುಕೋಲೂರ್​ ಗ್ರಾಮದ ನಿವಾಸಿಯಾದ ನಿಶಾ ತಮ್ಮ ವಿವಾಹ ಕಾರ್ಯಕ್ರಮ ಮುಗಿಯುತ್ತಿದ್ದಂತೆಯೇ ಕಲ್ಯಾಣ ಮಂಟಪದ ಮುಂಭಾಗದಲ್ಲಿರುವ ರಸ್ತೆಗೆ ಬಂದು ರೆಟ್ಪೈ ಕಾಂಬು ಹಾಗೂ ಆದಮರೈ ಪ್ರದರ್ಶನ ನೀಡಿದ್ರು. ಆದಿಮರೈ ಅಥವಾ ಆದಿ ಮುರೈ ಸಿಲಾಂಬಮ್​ ಜೊತೆ ನಿಕಟ ಸಂಬಂಧ ಹೊಂದಿದೆ. ಇದೊಂದು ಸಮರ ಕಲಾ ಪ್ರಕಾರವಾಗಿದೆ.

ಯುವತಿಯರಲ್ಲಿ ಆತ್ಮರಕ್ಷಣೆಯ ಬಗ್ಗೆ ಜಾಗೃತಿ ಮೂಡಿಸಲು ನಾನು ಈ ಸಮರ ಕಲೆಯ ಪ್ರದರ್ಶನ ನೀಡಿದೆ ಎಂದು ವಧು ನಿಶಾ ಹೇಳಿದ್ದಾರೆ. ಈ ಸಮರ ಕಲೆ ಪ್ರದರ್ಶನದ ವೇಳೆ ನಿಶಾ ಕೈಯಲ್ಲಿ ಹರಿತವಾದ ಆಯುಧ ಇದ್ದಿದ್ದನ್ನ ನೀವು ವಿಡಿಯೋದಲ್ಲಿ ಕಾಣಬಹುದಾಗಿದೆ. ಐಎಎಸ್​ ಅಧಿಕಾರಿ ಸುಪ್ರಿಯಾ ಸಾಹು ಸೇರಿದಂತೆ ಅನೇಕರು ಈ ವಿಡಿಯೋವನ್ನ ಸೋಶಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿದ್ದಾರೆ.