ಮೀರಾಬಾಯಿ ಚಾನು ಅನುಕರಣೆ ಮಾಡಿ ಎಲ್ಲರ ಮನ ಗೆದ್ದ ಪುಟಾಣಿ ಬಾಲಕಿ

ಮೀರಾಬಾಯಿ ಸಾಧನೆಯಿಂದ ಖುಷ್​ ಆದ ಪುಟಾಣಿ ಅಭಿಮಾನಿಯೊಬ್ಬಳು ಮೀರಾಬಾಯಿಗೆ ವಿಶೇಷ ವಿಡಿಯೋವೊಂದನ್ನ ಅರ್ಪಿಸಿದ್ದಾಳೆ. ಈ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ಧೂಳೆಬ್ಬಿಸಿದೆ.

ನಾಲ್ಕು ವರ್ಷ ಪ್ರಾಯವೂ ಅಲ್ಲವೇನೋ ಎನಿಸುವಂತಹ ಪುಟ್ಟ ಬಾಲಕಿಯೊಬ್ಬಳು ಮೀರಾಬಾಯಿ ಚಾನುರಂತೆಯೇ ವೇಟ್​ ಲಿಫ್ಟ್​ ಮಾಡುವಂತೆ ನಟನೆ ಮಾಡಿದ್ದಾಳೆ. ಹಿಂಬದಿಯಲ್ಲಿ ಟಿವಿ ಪರದೆ ಮೇಲೆ ಮೀರಾಬಾಯಿ ಭಾರ ಎತ್ತುವ ದೃಶ್ಯ ಪ್ರಸಾರವಾಗ್ತಿದ್ರೆ ಮುಂದೆ ಈ ಬಾಲಕಿ ಥೇಟ್​ ಮೀರಾಬಾಯಿಯಂತೆಯೇ ನಟಿಸಿದ್ದಾಳೆ. ಈ ವಿಡಿಯೋ ಎಷ್ಟು ಮುದ್ದಾಗಿ ಮೂಡಿ ಬಂದಿದೆ ಅಂದರೆ ಸ್ವತಃ ಮೀರಾಬಾಯಿ ತಮ್ಮ ಟ್ವಿಟರ್​ ಖಾತೆಯಲ್ಲಿ ಶೇರ್​ ಮಾಡಿದ್ದಾರೆ.