ಸೆಲೆಬ್ರಿಟಿಗಳ ಮದುವೆ ಅಂದರೆ ಸಾಕು ವಿಜೃಂಭಣೆಯಿಂದ ಕೂಡಿರುತ್ತೆ. ವಿವಾಹ ಮಹೋತ್ಸವ ನಡೆಯುವ ಸ್ಥಳ, ಸೆಲೆಬ್ರಿಟಿ ದಂಪತಿ ಫೋಟೋ ಇವನ್ನೆಲ್ಲ ನೋಡೋದೇ ಅಭಿಮಾನಿಗಳ ಕಣ್ಣಿಗೆ ಪರಮಾನಂದವೆನಿಸುತ್ತೆ.
ಇದೀಗ ಬಾಲಿವುಡ್ ನಟಿ ಹಾಗೂ ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್ ತಮ್ಮ ಕನಸಿನ ಮದುವೆ ಕಾರ್ಯಕ್ರಮ ಹೇಗಿರಬೇಕು ಅನ್ನೋದನ್ನ ರಿವೀಲ್ ಮಾಡಿದ್ದಾರೆ. ಅಂದಹಾಗೆ ಇವರೇನು ಸದ್ಯ ಮದುವೆಯಾಗೋ ಆಲೋಚನೆಯಲ್ಲಿಲ್ಲ. ಆದರೆ ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದ ನಟಿ ತಮ್ಮ ಮದುವೆ ಹೀಗೆ ನಡೀಬೇಕು ಅನ್ನೋದನ್ನ ಹೇಳಿದ್ರು.
ಬ್ಯಾಚುಲರ್ ಪಾರ್ಟಿ ಹಾಗೂ ಸರಳ ಮದುವೆ ತಮಗೆ ಸಾಕು ಎಂದಿದ್ದಾರೆ ನಟಿ ಜಾನ್ವಿ ಕಪೂರ್. ದಕ್ಷಿಣ ಇಟಲಿಯ ಕ್ಯಾಪ್ರಿ ದ್ವೀಪದಲ್ಲಿ ಹಡಗಿನಲ್ಲಿ ವಿಹಾರ ಮಾಡುತ್ತಾ ಬ್ಯಾಚುಲರ್ ಪಾರ್ಟಿ ಮಾಡೋದು ಜಾನ್ವಿ ಕಪೂರ್ರ ಕನಸಂತೆ.
ಅಲ್ಲದೇ ತಮ್ಮ ಮೆಹಂದಿ ಹಾಗೂ ಸಂಗೀತ್ ಕಾರ್ಯಕ್ರಮವನ್ನು ಚೆನ್ನೈನ ಮೈಲಾಪುರದಲ್ಲಿರುವ ತಾಯಿ ಶ್ರೀದೇವಿ ನಿವಾಸದಲ್ಲಿ ಆಯೋಜಿಸೋದು ಹಾಗೂ ಸರಳ ವಿವಾಹ ಕಾರ್ಯ ತಿರುಪತಿಯಲ್ಲಿ ನಡೆಯಬೇಕು ಅನ್ನೋದು ಜಾನ್ವಿ ಕಪೂರ್ ಅಭಿಲಾಷೆಯಾಗಿದೆ.
ಮಲ್ಲಿಗೆ ಹಾಗೂ ಮೇಣದಬತ್ತಿಯನ್ನು ಬಳಸಿ ಅತ್ಯಂತ ಸರಳ ಹಾಗೂ ಸುಂದರವಾಗಿ ಕಲ್ಯಾಣ ಮಂಟಪವನ್ನು ಸಿಂಗರಿಸಿದ್ರೆ ಸಾಕು ಅಂದ್ರು ನಟಿ ಜಾನ್ವಿ ಕಪೂರ್..!
ಹಾಗಾದರೆ ಆರತಕ್ಷತೆ ಕಾರ್ಯಕ್ರಮ ಹೇಗೆ ನಡೆಯಬೇಕು ಎಂದು ಕೇಳಲಾದ ಪ್ರಶ್ನೆಗೆ ರಿಸೆಪ್ಷನ್ ಮಾಡಿಕೊಳ್ಳಲೇಬೇಕು ಎಂದೇನಿಲ್ಲವಲ್ಲ ಎಂದು ಹೇಳಿದ್ರು. ಕೇವಲ 2 ದಿನಗಳಲ್ಲಿ ವಿವಾಹ ಕಾರ್ಯಕ್ರಮವನ್ನು ಮುಗಿಸೋದು ಜಾನ್ವಿ ಕಪೂರ್ಗೆ ಇಷ್ಟವಂತೆ.
Loading ...