ಅದೃಷ್ಟವಂತ ಅಭಿಮಾನಿಗೆ ಸಿಗಲಿದೆ ಶಾರೂಖ್‌ ನಿವಾಸದಲ್ಲಿ ವಾಸ್ತವ್ಯ ಹೂಡುವ ಅವಕಾಶ

ನಟ ಶಾರುಖ್ ಖಾನ್ ಅವರು ತಮ್ಮ ನವದೆಹಲಿಯ ಪಂಚಶೀಲಾ ಪಾರ್ಕ್ ಪ್ರದೇಶದ ಮನೆಯನ್ನು ಇತ್ತೀಚೆಗೆ ಮರು ವಿನ್ಯಾಸ ಮಾಡಿದ್ದಾರೆ. ಮನೆಯ ಫೋಟೋಗಳನ್ನು ಶಾರುಖ್ ಹಾಗೂ ವಿಡಿಯೋವನ್ನು‌ ಅವರ ಪತ್ನಿ ಗೌರಿ ಖಾನ್ ಇನ್ಸ್ಟಾಗ್ರಾಂನಲ್ಲಿ ಅಪ್ ಲೋಡ್ ಮಾಡಿದ್ದಾರೆ.

ಶಾರುಖ್ ಈಗ ಮುಂಬೈನಲ್ಲಿ ನೆಲೆಸಿದ್ದರೂ ಮೂಲತಃ ದೆಹಲಿಯವರು. ಯೌವ್ವನದಲ್ಲಿ ಗೌರಿ ಅವರನ್ನು ದೆಹಲಿಯಲ್ಲೇ ಭೇಟಿಯಾಗಿದ್ದರು. ಅವರ ಗತ ಜೀವನದ ನೆನಪುಗಳು‌ ದೆಹಲಿ ಮನೆಯ ಜತೆ ಇವೆ. ಗೌರಿ ಅವರ ಗೃಹಾಲಂಕಾರ ಕಂಪನಿಯು ಎ.ಬಿ.ಎನ್.ಬಿ. ಎಂಬ ಇನ್ನೊಂದು ಕಂಪನಿ‌ ಜತೆ ಸೇರಿ ಮನೆಯನ್ನು ಮರು ವಿನ್ಯಾಸ ಮಾಡಿದೆ.

ಈ ಮನೆಯಲ್ಲಿ ಇಬ್ಬರು ಅದೃಷ್ಟವಂತ ಅಭಿಮಾನಿಗಳು ವಾಸ್ತವ್ಯ ಮಾಡಲು ಖಾನ್ ಕುಟುಂಬ ಅವಕಾಶ ನೀಡಿದೆ. ಆ ಅಭಿಮಾನಿಗಳು ಒಂದು ರಾತ್ರಿ ಖಾನ್ ಮನೆಯಲ್ಲಿ ಕಳೆಯಬಹುದು. ತಮ್ಮ ಕುಟುಂಬದ ಜತೆ ಔತಣ ಸೇವಿಸುವ ಅವಕಾಶ ಮಾಡಿಕೊಡಲಾಗುತ್ತದೆ ಎಂದು ಶಾರುಖ್ ತಿಳಿಸಿದ್ದಾರೆ.

ಗೌರಿ ಖಾನ್ ನವೀಕೃತ ಮನೆಯ ಬಾಗಿಲು ತೆರೆಯುವ, ಬುಕ್‌ ಓದುತ್ತ ಕಾಫಿ ಕುಡಿಯುವ ಫೋಟೋಗಳನ್ನು ಶಾರುಖ್ ಹಂಚಿಕೊಂಡಿದ್ದಾರೆ. ಗೌರಿ ಅವರು ಮನೆಯ ವಿಡಿಯೋವನ್ನು ಅಪ್ ಲೋಡ್ ಮಾಡಿದ್ದಾರೆ.

https://www.instagram.com/p/CHuWNwaFhpL/?utm_source=ig_web_copy_link

https://www.instagram.com/p/CHuW7nwn5fH/?utm_source=ig_web_copy_link