ದಿಲ್ಜಿತ್ ಹಾಡಿಗೆ ಸ್ವಿಸ್‌ ಯುವತಿಯರ ಭರ್ಜರಿ ಡಾನ್ಸ್

ದಿಲ್ಜಿತ್ ದೋಸಾಂಜ್ ಅವರ ‘ಜಿ.ಒ.ಎ.ಟಿ’ ಹಾಡಿಗೆ ಯುರೋಪಿಯನ್ ಮಹಿಳೆಯರು ನೃತ್ಯ ಮಾಡುವ ವಿಡಿಯೋ ವೈರಲ್ ಆಗಿದೆ.

ಸ್ವಿಟ್ಜರ್ಲೆಂಡ್‌ನ ಮಹಿಳೆಯರ ಗುಂಪು ನೃತ್ಯ ಮಾಡುವ ವಿಡಿಯೋವನ್ನು ಭಾರತೀಯ ವಿದೇಶಾಂಗ ಸೇವಾ ಅಧಿಕಾರಿ ಗುರ್ಲೀನ್ ಕೌರ್ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

45 ಸೆಕೆಂಡುಗಳ ವಿಡಿಯೊದಲ್ಲಿ ದೋಸಾಂಜ್ ಅವರ ಹಾಡು ಹಿನ್ನೆಲೆಯಲ್ಲಿ ಕೇಳಿಸುತ್ತಿದ್ದು, ಒಬ್ಬ ವ್ಯಕ್ತಿಯು ತನ್ನನ್ನು ಅನುಸರಿಸುವಂತೆ ಯುವತಿಯರ ಗುಂಪಿಗೆ ಭಾಂಗ್ರಾ ಹೆಜ್ಜೆಗಳನ್ನು ಹಾಕಲು ಪ್ರೇರೇಪಿಸುವುದನ್ನು ಕಾಣಬಹುದು.

ಈ ವಿಡಿಯೋ 21,000 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದೆ. ವಿಡಿಯೊವನ್ನು ದೋಸಾಂಜ್ ಕೂಡ ರಿಟ್ವೀಟ್ ಮಾಡಿದ್ದಾರೆ.