ಸುಪ್ರೀಂ ಕೋರ್ಟ್ನ ನಿವೃತ್ತ ಮುಖ್ಯ ನ್ಯಾಯಮೂರ್ತಿ ಎಸ್.ಎ. ಬೋಬ್ಡೆ ಅಯೋಧ್ಯೆ ರಾಮಜನ್ಮ ಭೂಮಿ ವಿವಾದದ ಮಧ್ಯಸ್ಥಿಕೆ ಸಮಿತಿಗೆ ಶಾರೂಕ್ ಖಾನ್ರ ಹೆಸರನ್ನ ಪರಿಗಣಿಸಿದ್ದರು ಎನ್ನಲಾಗಿದೆ. ಹಿರಿಯ ವಕೀಲ ಹಾಗೂ ಸುಪ್ರೀಂ ಕೋರ್ಟ್ ಬಾರ್ ಅಸೋಸಿಯೇಷನ್ ಮುಖ್ಯಸ್ಥ ವಿಕಾಸ್ ಸಿಂಗ್ ಈ ವಿಚಾರವನ್ನ ಬಾಯ್ಬಿಟ್ಟಿದ್ದಾರೆ.
ನ್ಯಾಯಮೂರ್ತಿ ಎಸ್.ಎ. ಬೋಬ್ಡೆ ಅವರು ಅಯೋಧ್ಯೆ ರಾಮ ಜನ್ಮ ಭೂಮಿ ವಿವಾದ ಬಗೆಹರಿಸಲು ಪಟ್ಟ ಶ್ರಮದ ಬಗ್ಗೆ ಮಾಹಿತಿ ನೀಡುತ್ತಾ ಮಾತನಾಡಿದ ವಿಕಾಸ್ ಸಿಂಗ್, ಅಯೋಧ್ಯೆ ರಾಮಜನ್ಮ ಭೂಮಿ ವಿವಾದ ನಡೆಯುತ್ತಿದ್ದ ಸಮಯದಲ್ಲಿ ನನ್ನ ಹಾಗೂ ಬೋಬ್ಡೆ ನಡುವೆ ಇದ್ದ ರಹಸ್ಯವನ್ನ ನಾನಿಂದು ಬಿಚ್ಚಿಡಲೇಬೇಕು. ವಿಚಾರಣೆ ಆರಂಭಿಕ ಹಂತದಲ್ಲಿದ್ದ ವೇಳೆ ಶಾರೂಕ್ಖಾನ್ರನ್ನ ಈ ಸಮಿತಿಯಲ್ಲಿ ಸೇರಿಸೋಣವೇ ಎಂದು ಅವರು ನನ್ನನ್ನ ಕೇಳಿದ್ದರು. ನನಗೆ ಶಾರೂಕ್ ಖಾನ್ರ ಪರಿಚಯ ಇದೆ ಎಂಬುದು ಬೋಬ್ಡೆ ಅವರಿಗೆ ತಿಳಿದಿದ್ದರಿಂದ ಈ ಪ್ರಶ್ನೆಯನ್ನ ನನ್ನ ಮುಂದೆ ಇಟ್ಟಿದ್ದರು ಎಂದು ಹೇಳಿದ್ದಾರೆ.
ಬೋಬ್ಡೆ ಅವರ ಈ ಪ್ರಸ್ತಾಪಕ್ಕೆ ಶಾರೂಕ್ ಖಾನ್ ಕೂಡ ಒಪ್ಪಿಗೆ ನೀಡಿದ್ದರು. ಅಲ್ಲದೇ ರಾಮಮಂದಿರಕ್ಕೆ ಮುಸ್ಲಿಂ ಬಾಂಧವರೇ ಅಡಿಪಾಯ ಹಾಕುವಂತಾಗಬೇಕೆಂದೂ ಖಾನ್ ಹೇಳಿದ್ದರು. ಆದರೆ ಈ ಮಧ್ಯಸ್ಥಿಕೆ ಪ್ರಕ್ರಿಯೆ ವಿಫಲವಾಗಿದ್ದರಿಂದ ಈ ಯೋಜನೆಯನ್ನ ಕೈಬಿಡಲಾಯ್ತು. ಆದರೆ ಕೋಮುವಾದಗಳನ್ನ ಹತ್ತಿಕ್ಕಲು ಬೋಬ್ಡೆ ಮಾಡುತ್ತಿದ್ದ ಪ್ರಯತ್ನಗಳು ನಿಜಕ್ಕೂ ಶ್ಲಾಘನೀಯ ಎಂದು ವಿಕಾಸ್ ಸಿಂಗ್ ಹೇಳಿದ್ರು.
ಮಾರ್ಚ್ 2019ರಲ್ಲಿ ನಿರ್ಮಾಣವಾದ ಈ ಮಧ್ಯಸ್ಥಿಕೆ ಸಮಿತಿಯಲ್ಲಿ ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್ನ ಶ್ರೀ ಶ್ರೀ ರವಿಶಂಕರ್ ಗುರೂಜಿ ಹಾಗೂ ಹಿರಿಯ ವಕೀಲ ಶ್ರೀರಾಮ್ ಪಾಂಚು ಇದ್ದರು, ಸಿಜೆಐ ರಂಜನ್ ಗೊಗೋಯ್ ನೇತೃತ್ವದ ಪಂಚಪೀಠ ಈ ಸಮಿತಿಯನ್ನ ರಚಿಸಿತ್ತು .
Loading ...