ಬಾಲಿವುಡ್ ಹಿರಿಯ ನಟ ವಿಶಾಲ್ ಆನಂದ್ ಇಹಲೋಕ ತ್ಯಜಿಸಿದ್ದಾರೆ. ದೀರ್ಘಕಾಲದ ಅನಾರೋಗ್ಯದ ನಂತರ ಅಕ್ಟೋಬರ್ 4 ರಂದು ನಿಧನರಾಗಿದ್ದಾರೆ. ವಿಶಾಲ್ ಆನಂದ್ ಚಲ್ತೆ ಚಲ್ತೆ ಚಿತ್ರದಲ್ಲಿ ನಟಿಸಿ, ಪ್ರಸಿದ್ಧಿ ಪಡೆದಿದ್ದರು. ವಿಶಾಲ್ ಆನಂದ್ ಅವರನ್ನು ಭೀಷ್ಮಾ ಕೊಹ್ಲಿ ಎಂದೂ ಕರೆಯಲಾಗುತ್ತಿತ್ತು. ವಿಶಾಲ್ ಆನಂದ್ 11 ಬಾಲಿವುಡ್ ಚಿತ್ರಗಳಲ್ಲಿ ನಟಿಸಿದ್ದರು.
ವಿಶಾಲ್ ಆನಂದ್ ತಮ್ಮ ನಟನಾ ವೃತ್ತಿ ಜೀವನದಲ್ಲಿ ಅಶೋಕ್ ಕುಮಾರ್, ಸಿಮಿ ಗ್ರೆವಾಲ್ ಮತ್ತು ಮೆಹಮೂದ್ ಅವರಂತಹ ದೊಡ್ಡ ಕಲಾವಿದರೊಂದಿಗೆ ಕೆಲಸ ಮಾಡಿದ್ದರು. ನಟನೆಯ ಹೊರತಾಗಿ ವಿಶಾಲ್ ಆನಂದ್ ಕೆಲವು ಚಿತ್ರಗಳನ್ನು ನಿರ್ದೇಶಿಸಿ, ನಿರ್ಮಿಸಿದ್ದರು. ಚಲ್ತೆ ಚಲ್ತೆ ಚಿತ್ರದಲ್ಲಿ ವಿಶಾಲ್ ಆನಂದ್ ಜೊತೆ ಸಿಮಿ ಗ್ರೆವಾಲ್ ನಟಿಸಿದ್ದರು.
ವಿಶಾಲ್ ಆನಂದ್ ಚಿತ್ರದ ಮೂಲಕ ಬಪ್ಪಿ ಲಹರಿಗೆ ಬ್ರೇಕ್ ಸಿಕ್ಕಿತ್ತು. ವಿಶಾಲ್ ಅವರ ಪ್ರಸಿದ್ಧ ಚಲನಚಿತ್ರಗಳಲ್ಲಿ ಚಲ್ತೆ ಚಲ್ತೆ, ಟ್ಯಾಕ್ಸಿ ಡ್ರೈವರ್, ಸಾ ರೇ ಗಾ ಮಾ ಪಾ, ದಿಲ್ ಸೆ ಮಿಲೇ ದಿಲ್ ಸೇರಿವೆ.
Loading ...