ಕೊರೊನಾ ಕಾಲದಲ್ಲಿ ಸಲ್ಮಾನ್ ಸಂಭಾವನೆ ಕೇಳಿದ್ರೆ ದಂಗಾಗ್ತಿರಾ…!

ಕೊರೊನಾ ವೈರಸ್ ಮಧ್ಯೆ ಶುರುವಾಗ್ತಿರುವ ಬಿಗ್ ಬಾಸ್ ಸ್ವಲ್ಪ ಭಿನ್ನವಾಗಿರಲಿದೆ. ಈ ಬಗ್ಗೆ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿದೆ. ಸೆಪ್ಟೆಂಬರ್ 20ರಂದು ಬಿಗ್ ಬಾಸ್ ಶೋ ಶುರುವಾಗಬೇಕಿತ್ತು. ಆದ್ರೆ ಆಗಸ್ಟ್ 4ಕ್ಕೆ ಶೋ ಶುರುವಾಗಲಿದೆ. ರಾತ್ರಿ 10.30ಕ್ಕೆ ಬಿಗ್ ಬಾಸ್ ಶೋ ಕಲರ್ಸ್ ನಲ್ಲಿ ಪ್ರಸಾರವಾಗಲಿದೆ.

ಈ ಮಧ್ಯೆ ಬಿಗ್ ಬಾಸ್ ಬಗ್ಗೆ ಮಹತ್ವದ ಸುದ್ದಿ ಹೊರಗೆ ಬಂದಿದೆ. ಬಿಗ್ ಬಾಸ್ ನಿರೂಪಕ ಸಲ್ಮಾನ್ ಖಾನ್ ಈ ಬಾರಿ ಒಂದು ಎಪಿಸೋಡ್ ಗೆ 20 ಕೋಟಿ ಶುಲ್ಕ ಪಡೆಯುತ್ತಿದ್ದಾರೆ. ಅಂದ್ರೆ ಸಲ್ಮಾನ್ ಖಾನ್ ಗೆ ಮೂರು ತಿಂಗಳಿಗೆ ಒಟ್ಟೂ 450 ಕೋಟಿ ರೂಪಾಯಿ ಸಿಗಲಿದೆ.

ಈ ಬಾರಿ ಬಿಗ್ ಬಾಸ್ ಲಾಕ್ ಡೌನ್ ಸರಣಿಯಾಗಲಿದೆ. ರೋಗ ನಿರೋಧಕ ಶಕ್ತಿ ಹೆಚ್ಚಿರುವ ಸ್ಪರ್ಧಿಗಳು ಮನೆಯಲ್ಲಿರಲಿದ್ದಾರೆ. ಈ ಬಾರಿ ಎಲಿಮಿನೇಷನ್ ಕೂಡ ಭಿನ್ನವಾಗಿರಲಿದೆ. ಇತಿಹಾಸದಲ್ಲಿ ಮೊದಲ ಬಾರಿ ಇಂತ ಎಲಿಮಿನೇಷನ್ ನಡೆಯಲಿದೆ ಎನ್ನಲಾಗ್ತಿದೆ. ಐದು ಜನ ಸೆಲೆಬ್ರಿಟಿಗಳಿರಲಿದ್ದು, ಉಳಿದವರು ಸಾಮಾನ್ಯ ಜನರು ಎನ್ನಲಾಗಿದೆ. ಹಾಗೆ ಸ್ಪರ್ಧಿಗಳಿಗೆ ವಾರಕ್ಕೆ ವೇತನ ಸಿಗುವುದಿಲ್ಲ. ಮೊದಲೇ ನಿರ್ಧರಿಸಿದ ವೇತನ ಪಡೆಯಬೇಕು.