ದಂಗಾಗುವಂತಿದೆ ‘ಬಿಗ್ ಬಾಸ್’ ಸಲ್ಮಾನ್ ಖಾನ್ ಸಂಭಾವನೆ

ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ‘ಬಿಗ್ ಬಾಸ್’ ನಡೆಸಿಕೊಡಲು 16 ಕೋಟಿ ರೂಪಾಯಿ ಸಂಭಾವನೆ ಪಡೆಯಲಿದ್ದಾರೆ.

‘ಬಿಗ್ ಬಾಸ್’ 5 ನೇ ಆವೃತ್ತಿಯವರೆಗೆ 1 ಎಪಿಸೋಡ್ ಗೆ 2.5 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದ ಸಲ್ಮಾನ್ ಖಾನ್ 7ನೇ ಆವೃತ್ತಿಗೆ 5 ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದರು. ಅದೇ ರೀತಿ 9ನೇ ಆವೃತ್ತಿಯ ‘ಬಿಗ್ ಬಾಸ್’ ಹೋಸ್ಟ್ ಮಾಡಲು ಪ್ರತಿ ಎಪಿಸೋಡ್ ಗೆ 8 ಕೋಟಿ ರೂಪಾಯಿ ಪಡೆದುಕೊಂಡಿದ್ದರು.

12 ರಿಂದ 14 ಕೋಟಿ ರೂ. ಸಂಭಾವನೆಯೊಂದಿಗೆ 12 ನೇ ಆವೃತ್ತಿ ಹೋಸ್ಟ್ ಮಾಡಿದ್ದ ಅವರು, 13ನೇ ಆವೃತ್ತಿಯ ‘ಬಿಗ್ ಬಾಸ್’ ಹೋಸ್ಟ್ ಮಾಡಿ ಎಲ್ಲಾ ಎಪಿಸೋಡುಗಳಿಗೆ 403 ಕೋಟಿ ರೂಪಾಯಿ ಪಡೆದುಕೊಂಡಿದ್ದಾರೆನ್ನಲಾಗಿದೆ.

ಈಗ ಕೊರೋನಾ ಕಾರಣದಿಂದ ‘ಬಿಗ್ ಬಾಸ್’ ಶೋ ವಿಳಂಬವಾಗಿ ಆರಂಭವಾಗಲಿದೆ. ಚಿತ್ರೀಕರಣಕ್ಕೆ ಆರಂಭಿಕ ಹಂತದ ಸಿದ್ಧತೆ ಕೈಗೊಳ್ಳಲಾಗಿದೆ. 14ನೇ ಆವೃತ್ತಿ ‘ಬಿಗ್ ಬಾಸ್’ ನಡೆಸಿಕೊಡಲು ಸಲ್ಮಾನ್ ಖಾನ್ ಪ್ರತಿ ಸಂಚಿಕೆಗೆ 16 ಕೋಟಿ ರೂಪಾಯಿ ಸಂಭಾವನೆ ನಿರೀಕ್ಷೆಯಲ್ಲಿದ್ದಾರೆ ಎಂದು ಹೇಳಲಾಗಿದೆ.