ಕೋಲ್ಕತ್ತಾ: ಬಂಗಾಳಿ ಜನಪ್ರಿಯ ನಟ ಸೈಬಲ್ ಭಟ್ಟಾಚಾರ್ಯ ಅವರು ಕೋಲ್ಕತ್ತಾದ ತಮ್ಮ ನಿವಾಸದಲ್ಲಿ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಆತ್ಮಹತ್ಯೆಗೆ ಯತ್ನಿಸಿದ ವೇಳೆ ಅವರು ಫೇಸ್‌ ಬುಕ್‌ ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ ಎಂದು ವರದಿಯಾಗಿದೆ.
ಸೈಬಲ್ ಭಟ್ಟಾಚಾರ್ಯ ಅವರು ‘ಪ್ರೋಥೋಮ ಕದಂಬಿನಿ’ ಸೇರಿದಂತೆ ಹಲವಾರು ಬಂಗಾಳಿ ಧಾರಾವಾಹಿಗಳಲ್ಲಿನ ಪಾತ್ರಕ್ಕೆ ಅವರು ಹೆಸರುವಾಸಿಯಾಗಿದ್ದಾರೆ. ಸ್ಥಳೀಯ ಮಾಧ್ಯಮ ವರದಿಗಳ ಪ್ರಕಾರ ಅವರು ತಮ್ಮ ನಿವಾಸದಲ್ಲಿ ಆತ್ಹತ್ಯೆಗೆ ಯತ್ನಿಸಿ ಗಾಯಗೊಂಡಿದ್ದು, ಇದೀಗ ಅವರನ್ನು ನಗರದ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಸೈಬಲ್ ಅವರು ಕೆಲಸ ಹುಡುಕಲು ಸಾಧ್ಯವಾಗದ ಕಾರಣ ತಮ್ಮ ವೃತ್ತಿಪರ ಜೀವನದಲ್ಲಿ ಅತೃಪ್ತರಾಗಿದ್ದರು. ಸೋಮವಾರ ರಾತ್ರಿ ನಟ ಖಿನ್ನತೆಗೆ ಒಳಗಾಗಿದ್ದ ಕಾರಣ ಹರಿತವಾದ ಆಯುಧದಿಂದ ತಾವೇ ಚುಚ್ಚಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ ಎನ್ನಲಾಗಿದೆ.
ಬೆಂಗಾಲಿ ಪತ್ರಿಕೆ ಆನಂದಬಜಾರ್ ಪತ್ರಿಕಾ ಪ್ರಕಾರ, ಸೈಬಲ್ ಅವರನ್ನು ಕೋಲ್ಕತ್ತಾ ರಾಷ್ಟ್ರೀಯ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯಲ್ಲಿ ಆಸ್ಪತ್ರೆಗೆ ಸೇರಿಸುವ ಮೊದಲು ದಕ್ಷಿಣ ಕೋಲ್ಕತ್ತಾದ ಅವರ ಕಸ್ಬಾ ಮನೆಯಲ್ಲಿ ಪತ್ತೆ ಮಾಡಿ ಕರೆತರಲಾಗಿದೆ. ಅನೇಕ ಧಾರಾವಾಹಿಗಳಲ್ಲಿ ಪೋಷಕ ಪಾತ್ರಗಳನ್ನು ನಿರ್ವಹಿಸಿದ ಪ್ರಮುಖ ನಟ ಸೈಬಲ್ ನಟನೆ ಜೊತೆಗೆ, ಅವರು ಚಿತ್ರಕಥೆಗಳು ಮತ್ತು ಸಂಭಾಷಣೆಗಳನ್ನು ರಚಿಸಿದ್ದಾರೆ.
Loading ...