ವಂಚನೆ ಪ್ರಕರಣದಲ್ಲಿ ಸಂಕಷ್ಟಕ್ಕೆ ಸಿಲುಕಿದ ನಟ: ಆಸ್ತಿ ಮುಟ್ಟುಗೋಲು ಹಾಕಿಕೊಂಡ ಇಡಿ

​ ಬಾಲಿವುಡ್‌ ನಟ ಡಿನೋ ಮೋರಿಯಾ ಹಾಗೂ ಡಿಜೆ ಅಕೀಲ್​ ಅಬ್ದುಲ್​ ಖಾಲಿಕ್​ ಬಚ್ಚೋ ಅಲಿಗೆ ಇಡಿ ಶಾಕ್​ ನೀಡಿದೆ. 14500 ಕೋಟಿ ರೂಪಾಯಿ ಬ್ಯಾಂಕ್​ ಸಾಲ ಹಾಗೂ ಗುಜರಾತ್​ನ ಸ್ಟರ್ಲಿಂಗ್​ ಬಯೋಟೆಕ್​​ ಸಮೂಹಕ್ಕೆ ಸಂಬಂಧಿಸಿದ ಮನಿ ಲ್ಯಾಂಡ್ರಿಂಗ್​ ಆರೋಪದ ಅಡಿಯಲ್ಲಿ ಇವರ ಆಸ್ತಿಯನ್ನ ಇಡಿ ಮುಟ್ಟುಗೋಲು ಹಾಕಿಕೊಂಡಿದೆ.

ಹಣಕಾಸು ಸಂಬಂಧ ಅವ್ಯವಹಾರಗಳ ವಿರುದ್ಧ ತನಿಖೆ ನಡೆಸುವ ಜಾರಿ ನಿರ್ದೇಶನಾಲವು, ಈ ಪ್ರಕರಣದಲ್ಲಿ ಸಂದೇಸರನ್​ ಹಾಗೂ ಇರ್ಫಾನ್​ ಸಿದ್ದಕಿ, ಡಿನೋ ಮೋರಿಯಾ ಹಾಗೂ ಡಿಜೆ ಅಕಿಲ್​ ನಡುವಿನ ಹಣದ ವಹಿವಾಟಿನ ಬಗ್ಗೆ ತನಿಖೆ ನಡೆಸುತ್ತಿರೋದಾಗಿ ಹೇಳಿದೆ.

ತನಿಖೆಯಲ್ಲಿ ಹೊರಬಿದ್ದಿರುವ ಮಾಹಿತಿಯ ಪ್ರಕಾರ ಡಿಜೆ ಅಕಿಲ್​ ಸಂದೇಸರನ್​​ರಿಂದ 12.54 ಕೋಟಿ ರೂಪಾಯಿಗಳನ್ನ ಸ್ವೀಕರಿಸಿದ್ದಾರೆ.ಅದೇ ರೀತಿ ಇರ್ಫಾನ್​ ಸಿದ್ದಕಿ 3.51 ಕೋಟಿ ರೂ. ಹಾಗೂ ಡಿನೋ ಮೋರಿಯಾ 1.4 ಕೋಟಿ ರೂಪಾಯಿಗಳನ್ನ ಸ್ವೀಕರಿಸಿದ್ದಾರೆ ಎಂದು ಜಾರಿ ನಿರ್ದೇಶನಾಲಯ ಹೇಳಿದೆ.

ಈ ಹಣದ ವಹಿವಾಟನ್ನ ಅಪರಾಧ ಎಂದು ಪರಿಗಣಿಸಲಾಗಿದೆ. ಇದರ ಜೊತೆಯಲ್ಲಿ ಜಾರಿ ನಿರ್ದೇಶನಾಲಯವು ಇರ್ಫಾನ್​ ಸಿದ್ದಕಿಯ 2.9 ಕೋಟಿ, ಡಿಜೆ ಅಕೀಲ್​ 1.98 ಕೋಟಿ ಹಾಗೂ ಡಿನೋ ಮೋರಿಯಾರ 1.4 ಕೋಟಿ ಮೌಲ್ಯದ ಆಸ್ತಿಯನ್ನೂ ಲಗತ್ತಿಸಿದೆ.

ಸಂದೇಸರನ್​ ಪ್ರಕರಣದಲ್ಲಿ 16 ಸಾವಿರ ಕೋಟಿ ರೂಪಾಯಿಯನ್ನ ಅಪರಾಧದ ಹಣವೆಂದು ಪರಿಗಣಿಸಲಾಗಿದೆ.ಈ ಪ್ರಕರಣದಲ್ಲಿ ಇಲ್ಲಿಯವರೆಗೆ ಇಡಿ 14,521 ಕೋಟಿ ರೂಪಾಯಿಯನ್ನ ಲಗತ್ತಿಸಿದೆ.

ಈ ಪ್ರಕರಣದಲ್ಲಿ ಸ್ಟರ್ಲಿಂಗ್​ ಬಯೋಟೆಕ್​ ಹಾಗೂ ಅದರ ಪ್ರರ್ವತಕ, ನಿರ್ದೇಶಕರಾದ ನಿತಿನ್​ ಜಯಂತಿಲಾಲ್​​ ಸಂದೇಸರ, ಚೇತನ್​​ ಕುಮಾರ್​ ಜಯಂತಿಲಾಲ್​ ಸಂದೇಸರ ಹಾಗೂ ದೀಪ್ತಿ ಸಂದೇಸರ ವಿರುದ್ಧ 14,500 ಕೋಟಿ ರೂಪಾಯಿ ವಂಚನೆ ಪ್ರಕರಣವಿದೆ. ಈ ಮೂವರು ಸದ್ಯ ನಾಪತ್ತೆಯಾಗಿದ್ದಾರೆ.

ನಿತಿನ್​ ಹಾಗೂ ಚೇತನ್​ ಸಹೋದರರಾಗಿದ್ದು 2017ರಲ್ಲಿ ಭಾರತದಿಂದ ಪಲಾಯನ ಮಾಡಿದ್ದಾರೆ. ಇವರು ಸದ್ಯ ನೈಜೀರಿಯಾದಲ್ಲಿ ಇದ್ದಾರೆ ಎನ್ನಲಾಗಿದ್ದು ದೇಶಕ್ಕೆ ಇವರನ್ನ ವಾಪಸ್​ ಕರೆಸಲು ವಿವಿಧ ಪ್ರಯತ್ನಗಳು ನಡೆಯುತ್ತಿದೆ.