ಲಾಕ್‌ ಡೌನ್‌ ಸಡಿಲಿಕೆ ಬಳಿಕ ರಸ್ತೆಗಿಳಿದ ತಾರೆಯರು…!

ಕೊರೋನಾ ಲಾಕ್ ಡೌನ್ ನಿರ್ಬಂಧ ಕಡಿಮೆಯಾಗುತ್ತಿದ್ದಂತೆ ಬಾಲಿವುಡ್ ತಾರೆಯರು ಭಾನುವಾರ ರಸ್ತೆಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಕೆಲವರು ಬೆಳಗಿನ ವಾಯು ವಿಹಾರದಲ್ಲಿ ತೊಡಗಿದ್ದು ಕಂಡು ಬಂದರೆ ಮತ್ತೆ ಕೆಲವರು ಸಾಕುಪ್ರಾಣಿಗಳೊಂದಿಗೆ ಕಾಣಿಸಿಕೊಂಡರು. ಇನ್ನು ಕೆಲವರು ದೈಹಿಕ ತರಬೇತಿಯಲ್ಲಿ ನಿರತರಾಗಿದ್ದರು.

ಮರೈನ್ ಡ್ರೈವ್ ನಲ್ಲಿ ಆನಂದಿಸಲು ಸ್ಟಾರ್ ದಂಪತಿಗಳಾದ ಕರೀನಾ ಕಪೂರ್, ಸೈಫ್ ಅಲಿ ಖಾನ್ ಮತ್ತು ಅವರ ಮಗ ತೈಮೂರ್ ಮನೆಯಿಂದ ಹೊರ ಬಂದಿದ್ದರು. ಕಪ್ಪು-ಬಿಳಿ ಮುದ್ರಿತ ಉಡುಪಿನಲ್ಲಿ ಕರೀನಾ ಕಾಣಿಸಿಕೊಂಡರೆ ಸೈಫ್ ಬಿಳಿ ಕುರ್ತಾ ಪೈಜಾಮ ಧರಿಸಿದ್ದರು.

ನಟಿ ರಾಕುಲ್ ಪ್ರೀತ್ ಸಿಂಗ್ ತಮ್ಮ ಸ್ನೇಹಿತರೊಂದಿಗೆ ವಾಕಿಂಗ್ ನಡೆಸುತ್ತಿದ್ದರೆ, ಅರ್ಬಾಜ್ ಖಾನ್ ಅವರ ಗೆಳತಿ ಜಾರ್ಜಿಯಾ ಆಂಡ್ರಿಯಾನಿ ತನ್ನ ನಾಯಿಯೊಂದಿಗೆ ಬೀದಿಯಲ್ಲಿ ಕ್ಯಾಮರಾಗೆ ಸೆರೆಸಿಕ್ಕರು.

ಮಾರ್ಚ್ ಬಳಿಕ ತಾರೆಯರೆಲ್ಲ‌ ಮನೆ ಸೇರಿದವರು ಹೊರ ಬಂದಿರಲಿಲ್ಲ. ಇದೀಗ ಲಾಕ್ ಡೌನ್ ಸಡಿಲಿಕೆ ಆಗುತ್ತಿದ್ದಂತೆ ಹೊರಗೆ ಕಾಣಿಸಿಕೊಳ್ಳುತ್ತಿದ್ದಾರೆ.