ನಟಿ ಅಲಯಾ ಎಫ್. ತಮ್ಮ ಹೊಸ ಗೀತೆ ಆಜ್ ಸಜೆಯಾ ಎಂಬ ಮ್ಯೂಸಿಕ್ ವಿಡಿಯೋ ಮೂಲಕ ನೆಟ್ಟಿಗರ ಮನ ಗೆದ್ದಿದ್ದಾರೆ. ಈ ಮ್ಯೂಸಿಕ್ ವಿಡಿಯೋದಲ್ಲಿ ಅಲಯಾ ಮದುಮಗಳ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಗೋಲ್ಡೀ ಸೋಹೆಲ್ ಈ ಗೀತೆಗೆ ಸಂಗೀತ ಸಂಯೋಜಿಸಿದ್ದು ಮಾತ್ರವಲ್ಲದೇ ತಮ್ಮದೇ ಕಂಠಸಿರಿಯಲ್ಲಿ ಹಾಡಿದ್ದಾರೆ.
ಮದುಮಗಳು ತನ್ನ ವಿವಾಹ ಕಾರ್ಯಕ್ರಮದ ಪ್ರತಿಯೊಂದೂ ಶಾಸ್ತ್ರಗಳನ್ನ ಎಂಜಾಯ್ ಮಾಡುವ ರೀತಿಯಲ್ಲಿ ಈ ಹಾಡು ಮೂಡಿ ಬಂದಿದೆ. ಇದರಲ್ಲಿ ಮದುಮಗಳು ಚಪ್ಪಲಿಗಳ ಜಾಗದಲ್ಲಿ ಶೂಗಳನ್ನ ಧರಿಸುವ ಮೂಲಕ ತಾನೆಷ್ಟು ಮಾರ್ಡನ್ ಅನ್ನೋದನ್ನ ತೋರಿಸಿದ್ದಾಳೆ. ಈ ವಿಡಿಯೋ ಇದೀಗ ಯುಟ್ಯೂಬ್ನಲ್ಲಿ ಟ್ರೆಂಡಿಂಗ್ ಲಿಸ್ಟ್ಗೆ ಸೇರಿದೆ.
66ನೇ ಫಿಲಂಫೇರ್ ಅವಾರ್ಡ್ ಕಾರ್ಯಕ್ರಮದಲ್ಲಿ ಅಲಾಯಾ ಎಫ್. ಬೆಸ್ಟ್ ಡೆಬ್ಯೂಟ್ ಫಿಮೇಲ್ ಟ್ರೋಫಿಯನ್ನ ತಮ್ಮದಾಗಿಸಿಕೊಂಡಿದ್ರು. ಕಳೆದ ವರ್ಷ ರಿಲೀಸ್ ಆದ ನಿತಿನ್ ಕಕ್ಕರ್ ನಿರ್ಮಾಣದ ಜವಾನಿ ಜಾನೇಮನ್ ಸಿನಿಮಾ ಮೂಲಕ ಸಿನಿ ಲೋಕಕ್ಕೆ ಅಲಾಯಾ ಕಾಲಿಟ್ಟಿದ್ರು.
ಅವಾರ್ಡ್ನ ಫೋಟೋವನ್ನ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದ ನಟಿ, ನನ್ನ ಮೊದಲನೇ ಸಿನಿಮಾದಿಂದಾಗಿ ಈಕೆ ನನ್ನವಳಾಗಿದ್ದಾಳೆ. ನಿಮ್ಮೆಲ್ಲರ ಪ್ರೀತಿ ಹಾಗೂ ಬೆಂಬಲಕ್ಕೆ ಧನ್ಯವಾದ. ನಿಮ್ಮೆಲ್ಲರಿಗೂ ಹೆಮ್ಮೆ ಮೂಡಿಸೋಕೆ ನಾನು ನಿತ್ಯ ಶ್ರಮವಹಿಸ್ತೇನೆ ಎಂದು ಬರೆದುಕೊಂಡಿದ್ರು.
Loading ...