1990ರಲ್ಲಿ ಬಾಲಿವುಡ್ನ ಸಿಕ್ಕಾಪಟ್ಟೆ ಸೌಂಡ್ ಮಾಡಿದ್ದ ಮಹೇಶ್ ಭಟ್ ನಿರ್ದೇಶನದ ವಿತ್ರ ʼಆಶಿಖಿʼಯ ಸ್ಟಾರ್ ನಟ ರಾಹುಲ್ ರಾಯ್ ತಮ್ಮ ಇನ್ನೊಂದು ಸಿನಿಮಾದ ಶೂಟಿಂಗ್ ಭಾಗಿಯಾಗಿದ್ದ ವೇಳೆ ಮೆದುಳು ಪಾರ್ಶ್ವವಾಯುವಿಗೆ ಒಳಗಾಗಿದ್ದಾರೆ.
52 ವರ್ಷದ ಈ ನಟನನ್ನ ಮುಂಬೈನ ನಾನಾವತಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ರಾಹುಲ್ ರಾಯ್ ಸ್ಥಿತಿ ಗಂಭೀರವಾಗಿದ್ದು ಐಸಿಯುವಿನಲ್ಲಿ ಇಡಲಾಗಿದೆ.
ಎಲ್ಎಸಿ ಸಿನಿಮಾ ಶೂಟಿಂಗ್ಗಾಗಿ ರಾಹುಲ್ ರಾಯ್ ಹಾಗೂ ಬಿಗ್ಬಾಸ್ 14ರ ಸ್ಪರ್ಧಿ ನಿಶಾಂತ್ ಸಿಂಗ್ ಮಲ್ಖಾನಿ ಕಾರ್ಗಿಲ್ಗೆ ತೆರಳಿದ್ದರು. ಕಾರ್ಗಿಲ್ನಲ್ಲಿ ಅತೀ ಚಳಿ ಇದ್ದಿದ್ದರಿಂದ ಈ ರೀತಿ ಆಗಿದೆ ಅಂತಾ ನಾನಾವತಿ ಆಸ್ಪತ್ರೆ ಸಿಬ್ಬಂದಿ ಹೇಳಿದ್ದಾರೆ. ಇನ್ನು ಈ ವಿಚಾರವಾಗಿ ಮಾತನಾಡಿರುವ ರಾಹುಲ್ ಸಹೋದರ ರೋಮೀರ್, ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಅಂತಾ ಮಾಹಿತಿ ನೀಡಿದ್ದಾರೆ.
ನಿತಿನ್ ಕುಮಾರ್ ನಿರ್ದೇಶನದ ಈ ಸಿನಿಮಾದಲ್ಲಿ ರಾಹುಲ್ ರಾಯ್ ಕರ್ನಲ್ ಪಾತ್ರ ನಿರ್ವಹಿಸುತ್ತಿದ್ದರು. ನಿಶಾಂತ್ ಸಿಂಗ್ ಮಲ್ಖಾನಿ ಚಿತ್ರದ ನಾಯಕನಾಗಿ ಪಾತ್ರ ವಹಿಸಿದ್ದಾರೆ. ಕಾರ್ಗಿಲ್ನಲ್ಲಿ 17 ದಿನಗಳ ಶೂಟಿಂಗ್ ನಡೆಯುವುದಿತ್ತು. ಆದರೆ ಶೂಟಿಂಗ್ ಮಧ್ಯದಲ್ಲೇ ಈ ಅವಘಡ ಸಂಭವಿಸಿದೆ.
Loading ...