ರಶ್ಮಿಕಾರನ್ನ ಭೇಟಿಯಾಗಲು ವಿರಾಜಪೇಟೆಗೆ ಬಂದ ನೆರೆ ರಾಜ್ಯದ ಅಭಿಮಾನಿ..!

ನಟಿ ರಶ್ಮಿಕಾ ವಿರಾಜಪೇಟೆ ಮೂಲದವರು ಅನ್ನೋದು ಎಲ್ಲರಿಗೂ ತಿಳಿದಿರೋ ವಿಚಾರ. ಹೀಗಾಗಿ ತೆಲಂಗಾಣದ ಆಕಾಶ್​ ತ್ರಿಪಾಠಿ ಎಂಬಾತ ತನ್ನ ನೆಚ್ಚಿನ ನಟಿಯ ಮನೆಯನ್ನ ಹುಡುಕುತ್ತಾ ಡೈರೆಕ್ಟ್​ ವಿರಾಜಪೇಟೆಗೆ ಎಂಟ್ರಿ ಕೊಟ್ಟಿದ್ದಾನೆ..! ಮಾತ್ರವಲ್ಲದೇ ರಾತ್ರಿಪೂರ್ತಿ ವಿರಾಜಪೇಟೆಯಲ್ಲಿ ರಶ್ಮಿಕಾ ಮನೆಗಾಗಿ ಹುಡುಕಾಡಿದ್ದಾನಂತೆ..!

ವಿರಾಜಪೇಟೆಯ ಮಗ್ಗುಲ ಗ್ರಾಮಕ್ಕೆ ತೆರಳಿ ಸ್ಥಳೀಯರ ಬಳಿ ರಶ್ಮಿಕಾ ಮನೆಯ ಬಗ್ಗೆ ವಿಚಾರಿಸಿದ್ದಾನಂತೆ. ಇದರಿಂದ ಅನುಮಾನಗೊಂಡ ಸ್ಥಳೀಯರು ಪೊಲೀಸ್​ ಠಾಣೆಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಆಕಾಶ್​ನನ್ನ ವಶಕ್ಕೆ ಪಡೆದ ಪೊಲೀಸರು ಆತನಿಗೆ ಎಚ್ಚರಿಕೆ ನೀಡಿ ವಾಪಸ್​ ಕಳುಹಿಸಿದ್ದಾರೆ ಎನ್ನಲಾಗಿದೆ.