ಕಣ್ಮುಚ್ಚಿಕೊಂಡು ಕೀ ಬೋರ್ಡ್​ನಲ್ಲಿ ಸಂಗೀತ ನುಡಿಸಿ ದಾಖಲೆ ನಿರ್ಮಿಸಿದ ಬಾಲಕ..!

13 ವರ್ಷದ ಬಾಲಕ ಕಣ್ಣು ಮುಚ್ಚಿಕೊಂಡು 30 ನಿಮಿಷಗಳಲ್ಲಿ 20 ಹಾಡುಗಳ ಸಂಗೀತವನ್ನ ಕೀ ಬೋರ್ಡ್​ನಲ್ಲಿ ನುಡಿಸುವ ಮೂಲಕ ಹೊಸ ದಾಖಲೆ ನಿರ್ಮಿಸಿದ್ದಾನೆ. ಈ ಮೂಲಕ ಎ.ಎಸ್. ಹರಿಹರನ್​ ನಾಯ್ಡು ವಂಡರ್​ ಬುಕ್​ ಆಫ್​ ರೆಕಾರ್ಡ್ಸ್​ಗೆ ಪ್ರವೇಶ ಪಡೆದಿದ್ದಾರೆ.

ಹೈದರಾಬಾದ್​ನ ಗೀತಾಂಜಲಿ ದೇವ್​ಶಾಲಾದಲ್ಲಿ 8ನೇ ತರಗತಿ ವಿದ್ಯಾರ್ಥಿಯಾಗಿದ್ದ ಹರಿಹರನ್​ ವಂಡರ್​ ಬುಕ್​ ಆಫ್​ ರೆಕಾರ್ಡ್ಸ್​ ನ ಜಡ್ಜ್​ ಸಮ್ಮುಖದಲ್ಲಿ ಪ್ರದರ್ಶನ ನೀಡುವ ಮೂಲಕ ದಾಖಲೆ ನಿರ್ಮಿಸಿದ್ದಾರೆ.

ಹರಿಹರನ್​ 30 ನಿಮಿಷಗಳಲ್ಲಿ 20 ಹಾಡುಗಳನ್ನ ನುಡಿಸಿದ್ದಾರೆ. ವಾಸ್ತವವಾಗಿ ಅವರು ಈ ದಾಖಲೆ ಮಾಡಲು 29 ನಿಮಿಷ 19 ಸೆಕೆಂಡ್​ಗಳನ್ನ ತೆಗೆದುಕೊಂಡಿದ್ದಾರೆ ಎಂದು ದಕ್ಷಿಣ ಭಾರತದ ವಂಡರ್​ ಬುಕ್​ ಆಫ್​ ರೆಕಾರ್ಡ್​ನ ಮುಖ್ಯ ಸಂಯೋಜಕರಾದ ಡಾ.ಜಿ. ಸ್ವರ್ಣ ಶ್ರೀ ಹೇಳಿದ್ರು.