‘ರಾಬರ್ಟ್’ ಚಿತ್ರದ ‘ನಿನ್ ಎದುರಲಿ ನಾನು’ ವಿಡಿಯೋ ಸಾಂಗ್ ರಿಲೀಸ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ‘ರಾಬರ್ಟ್’ ಚಿತ್ರದ ಮನಕಲಕುವಂತಹ  ‘ನಿನ್ ಎದುರಲಿ ನಾನು’ ಎಂಬ ಹಾಡು ಎಲ್ಲರ ಬಾಯಲ್ಲೂ ನಲಿದಾಡುತ್ತಲೇ ಇದೆ. ಇತ್ತೀಚೆಗಷ್ಟೇ ಈ ಹಾಡಿನ ಲಿರಿಕಲ್ ವಿಡಿಯೋವನ್ನು ರಿಲೀಸ್ ಮಾಡಿದ್ದರು. ಇದೀಗ ವಿಡಿಯೋ ಹಾಡನ್ನು ಇಂದು 11 ಗಂಟೆಗೆ ಆನಂದ್ ಆಡಿಯೋ ಯುಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆ ಮಾಡಲಾಗಿದೆ.

ಈ ಹಾಡು ರಿಲೀಸ್ ಆದ 4 ಗಂಟೆಗಳಲ್ಲಿ ಕನ್ನಡದಲ್ಲಿ 1 ಲಕ್ಷದ 20 ಸಾವಿರ ಹಾಗೂ ತೆಲುಗಿನಲ್ಲಿ 30 ಸಾವಿರ ವೀಕ್ಷಣೆ ಪಡೆದಿದೆ. ಕೇವಲ 1 ನಿಮಿಷ 50 ಸೆಕೆಂಡಿನ ಈ ಹಾಡು ತುಂಬಾ ಸುಮಧುರವಾಗಿ ಮೂಡಿಬಂದಿದೆ. ಕನ್ನಡದಲ್ಲಿ ಶ್ರುತಿ ಪ್ರಹ್ಲಾದ್ ಈ ಹಾಡಿಗೆ ಧ್ವನಿಯಾಗಿದ್ದು, ತೆಲುಗು ವರ್ಷನ್ ಅನ್ನು ರಮ್ಯಾ ಬೆಹೆರಾ ಎಂಬುವವರು ಹಾಡಿದ್ದಾರೆ.