ಬಾಲಿವುಡ್ ನಲ್ಲಿ ಡ್ರಗ್ಸ್ ಪ್ರಕರಣ ಹೊರಗೆ ಬರ್ತಿದ್ದಂತೆ ಎನ್.ಸಿ.ಬಿ. ಎಲ್ಲ ಕೋನಗಳಲ್ಲಿ ವಿಚಾರಣೆ ನಡೆಸುತ್ತಿದೆ. ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಿಯಾ ಜೈಲಿನಲ್ಲಿದ್ದಾಳೆ. ನಟಿಯರಾದ ದೀಪಿಕಾ ಪಡುಕೋಣೆ, ಸಾರಾ ಅಲಿ ಖಾನ್ ಹಾಗೂ ಶ್ರದ್ಧಾ ಕಪೂರ್ ವಿಚಾರಣೆ ನಡೆದಿದೆ. ಅವ್ರ ಮೊಬೈಲ್ ಎನ್.ಸಿ.ಬಿ. ವಶಕ್ಕೆ ಪಡೆದಿದೆ. ಇದ್ರ ಜೊತೆ ಬಿ-ಟೌನ್ ನ ನಾಯಕರ ಹೆಸರು ಈಗ ಎನ್.ಸಿ.ಬಿ. ಪಟ್ಟಿಯಲ್ಲಿದೆ.
ಬಾಲಿವುಡ್‌ನ ಇಬ್ಬರು ಸೂಪರ್ ಸ್ಟಾರ್‌ಗಳು ಸೇರಿದಂತೆ ಒಟ್ಟು ಮೂರು ಎ ಗ್ರೇಡ್ ನಟರು ಏಜೆನ್ಸಿಯ ರಾಡಾರ್‌ನಲ್ಲಿದ್ದಾರೆ ಎನ್ನಲಾಗಿದೆ. ಮೂವರಲ್ಲಿ ಇಬ್ಬರು ಬಾಲಿವುಡ್ ನಟರಾದ್ರೆ ಇನ್ನೊಬ್ಬ ನಟ ಬಹುಭಾಷಾ ನಟ ಎನ್ನಲಾಗಿದೆ. ಅವನ ಹೆಸರಿನ ಮೊದಲ ಅಕ್ಷರಗಳು ಹೊರಬಂದಿವೆ. ಈ ನಟರ ಹೆಸರುಗಳು ಎಸ್, ಆರ್, ಎ ನಿಂದ ಪ್ರಾರಂಭವಾಗುತ್ತವೆ ಎನ್ನಲಾಗಿದೆ.
ಇವರೆಲ್ಲರ ವಿರುದ್ಧ ಸಾಕ್ಷ್ಯಗಳನ್ನು ಸಂಗ್ರಹಿಸಲಾಗುತ್ತಿದೆ. ಸೂಕ್ತ ಸಾಕ್ಷ್ಯ ಸಿಕ್ಕ ತಕ್ಷಣ ನಟರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಎನ್.ಸಿ.ಬಿ. ಹೇಳಿಕೊಂಡಿದೆ. ಡ್ರಗ್ಸ್ ಪ್ರಕರಣದಲ್ಲಿ ಬಾಲಿವುಡ್ ನ ಯಾವ ನಟರ ಹೆಸರು ಕೇಳಿ ಬರುತ್ತೆ ಎಂಬ ಕುತೂಹಲ ಎಲ್ಲರಲ್ಲೂ ಇದೆ.
Loading ...