‘ಖರಾಬು’ ಹಾಡಿಗೆ ತಮಿಳು ಅಭಿಮಾನಿಯ ಮೆಚ್ಚುಗೆ

ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ನಟನೆಯ ನಂದಕಿಶೋರ್ ನಿರ್ದೇಶನದ ‘ಪೊಗರು’ ಚಿತ್ರ ಕನ್ನಡ ಅಲ್ಲದೇ ತೆಲುಗು ಹಾಗೂ ತಮಿಳಿನಲ್ಲಿ ಬಿಡುಗಡೆಯಾಗುತ್ತಿದ್ದು, ಹಾಡು ಹಾಗೂ ಟ್ರೈಲರ್ ಮೂಲಕ ತೆಲುಗು ಹಾಗೂ ತಮಿಳಿನಲ್ಲೂ ಸೌಂಡ್ ಮಾಡುತ್ತಿದೆ.

‘ಪೊಗರು’ ಚಿತ್ರದ ‘ಖರಾಬು’ ಹಾಡು ಕನ್ನಡದಲ್ಲಿ ಈಗಾಗಲೇ ದಾಖಲೆ ಬರೆದಿದ್ದು ಟಾಲಿವುಡ್ ಹಾಗೂ ಕಾಲಿವುಡ್ ಪ್ರೇಕ್ಷಕರಿಗೂ ಈ ಹಾಡು ಇಷ್ಟ ಆಗಿದೆ.

ತಮಿಳು ಪ್ರೇಕ್ಷಕರೊಬ್ಬರು ‘ಖರಾಬು’ ಹಾಡನ್ನು ಕೇಳಿದ್ದು ಹಾಡಿನ ಬಗ್ಗೆ ವರ್ಣಿಸಿದ್ದಾರೆ. ಮ್ಯೂಸಿಕ್, ಡ್ಯಾನ್ಸ್ ಎಲ್ಲಾ ಸೂಪರ್ ಆಗಿದೆ ಎಂದು ಹೇಳುವ ಮೂಲಕ ಸ್ಟೆಪ್ ಕೂಡ ಹಾಕಿದ್ದಾರೆ. ಈ ವಿಡಿಯೋವನ್ನು ಧ್ರುವ ಸರ್ಜಾ ಸಾಮಾಜಿಕ ಜಾಲತಾಣವಾದ ಟ್ವಿಟ್ಟರ್ ನಲ್ಲಿ ಹಂಚಿಕೊಳ್ಳುವ ಮೂಲಕ ‘ಪೊಗರು’ ಜೈ ಹನುಮಾನ್ ಎಂದು ಬರೆದುಕೊಂಡಿದ್ದಾರೆ.