ನವದೆಹಲಿ: ಮಾರ್ಚ್ ತಿಂಗಳ ಆರಂಭದಲ್ಲೇ ತೈಲ ಮಾರುಕಟ್ಟೆ ಕಂಪನಿಗಳು (OMCs) ಎಲ್‌ಪಿಜಿ ಸಿಲಿಂಡರ್ ದರಗಳನ್ನು ಪರಿಷ್ಕರಿಸಿವೆ. ಈ ಬಾರಿ ವಾಣಿಜ್ಯ ಬಳಕೆಯ (Commercial) ಸಿಲಿಂಡರ್ ದರಗಳಲ್ಲಿ ಬದಲಾವಣೆಯಾಗಿದ್ದು, ಗೃಹ ಬಳಕೆಯ ಸಿಲಿಂಡರ್ ಬೆಲೆಗಳು ಸ್ಥಿರವಾಗಿವೆ.ಪ್ರತಿ ತಿಂಗಳ ಒಂದನೇ ತಾರೀಖಿನಂದು ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (IOCL), ಬಿಪಿಸಿಎಲ್ (BPCL) ಮತ್ತು ಎಚ್‌ಪಿಸಿಎಲ್ (HPCL) ಕಂಪನಿಗಳು ಅಂತರಾಷ್ಟ್ರೀಯ ಮಾರುಕಟ್ಟೆ ದರಗಳಿಗೆ ಅನುಗುಣವಾಗಿ ಬೆಲೆಗಳನ್ನು ನಿರ್ಧರಿಸುತ್ತವೆ.
ಬೆಂಗಳೂರಿನಲ್ಲಿ ಇಂದಿನ ಹೊಸ ದರಗಳು (ಮಾರ್ಚ್ 1, 2026):
ಬೆಂಗಳೂರಿನ ಗ್ರಾಹಕರಿಗೆ ಅನ್ವಯವಾಗುವ ಪರಿಷ್ಕೃತ ದರಗಳ ಪಟ್ಟಿ ಈ ಕೆಳಗಿನಂತಿದೆ:
14.2 ಕಿಲೋ (ಗೃಹ ಬಳಕೆ): ₹855.50 (ಯಥಾಸ್ಥಿತಿ)
5 ಕಿಲೋ (ಗೃಹ ಬಳಕೆ): ₹318.50 (ಯಥಾಸ್ಥಿತಿ)
19 ಕಿಲೋ (ವಾಣಿಜ್ಯ ಬಳಕೆ): ₹1,842.50 (₹28.50 ಏರಿಕೆ)
47.5 ಕಿಲೋ (ಬೃಹತ್ ವಾಣಿಜ್ಯ ಬಳಕೆ): ₹4,600 ದಾಟಿದೆ (ಫೆಬ್ರವರಿಯಲ್ಲಿ ₹4,532 ಇತ್ತು)
ದೇಶದ ಪ್ರಮುಖ ನಗರಗಳಲ್ಲಿ 19 ಕೆಜಿ ವಾಣಿಜ್ಯ ಸಿಲಿಂಡರ್ ದರ (ಮಾರ್ಚ್ 1, 2026)
ಮುಂಬೈ: ₹1,720.00 (ಹಳೆಯ ದರ: ₹1,692.00 | ₹28.00 ಏರಿಕೆ)
ಚೆನ್ನೈ: ₹1,929.00 (ಹಳೆಯ ದರ: ₹1,899.50 | ₹29.50 – ₹30.50 ಏರಿಕೆ)
ದೆಹಲಿ: ₹1,768.50 ರಿಂದ ₹28 ಹೆಚ್ಚಳ ಕಂಡಿದೆ.
ಕೋಲ್ಕತ್ತಾ: ₹1,875.50 ರಿಂದ ₹31 ಹೆಚ್ಚಳ ಕಂಡಿದೆ.
ಗೃಹ ಬಳಕೆಯ ಸಿಲಿಂಡರ್ ದರ ಸ್ಥಿರ
ಸಾಮಾನ್ಯ ಜನರಿಗೆ ಸಮಾಧಾನಕರ ಸಂಗತಿಯೆಂದರೆ, 14.2 ಕೆಜಿ ಮತ್ತು 5 ಕೆಜಿಯ ಗೃಹ ಬಳಕೆಯ ಸಿಲಿಂಡರ್ ದರಗಳಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ಬೆಂಗಳೂರಿನಲ್ಲಿ 14.2 ಕೆಜಿ ಸಿಲಿಂಡರ್ ಬೆಲೆ 855.50 ರೂ. ನಲ್ಲೇ ಮುಂದುವರಿದಿದೆ.
ಬೆಲೆ ಏರಿಕೆಗೆ ಕಾರಣವೇನು?
ಮಧ್ಯಪ್ರಾಚ್ಯದಲ್ಲಿ ಅದರಲ್ಲೂ ಇರಾನ್ ಮತ್ತು ಇಸ್ರೇಲ್ ನಡುವೆ ಯುದ್ಧದ ವಾತಾವರಣ ನಿರ್ಮಾಣವಾಗಿರುವುದು ಜಾಗತಿಕ ತೈಲ ಮಾರುಕಟ್ಟೆಯ ಮೇಲೆ ನೇರ ಪರಿಣಾಮ ಬೀರಿದೆ. ಇದರಿಂದಾಗಿ ಮುಂದಿನ ದಿನಗಳಲ್ಲಿ ಪೆಟ್ರೋಲ್, ಡೀಸೆಲ್ ಮತ್ತು ಎಲ್‌ಪಿಜಿ ದರಗಳು ಮತ್ತಷ್ಟು ಏರಿಕೆಯಾಗುವ ಆತಂಕ ಎದುರಾಗಿದೆ.
