ಬೆಂಗಳೂರು: ಕಳೆದ ನಾಲ್ಕು ದಿನಗಳಿಂದ ಸತತವಾಗಿ ಇಳಿಕೆ ಕಂಡು ಗ್ರಾಹಕರ ಜೇಬು ಉಳಿತಾಯ ಮಾಡಿದ್ದ ಬಂಗಾರದ ಬೆಲೆ, ವೀಕೆಂಡ್ನಲ್ಲಿ ಒಮ್ಮೆಲೆ ಏರಿಕೆಯಾಗುವ ಮೂಲಕ ಖರೀದಿದಾರರಿಗೆ ಭಾರಿ ಶಾಕ್ ಕೊಟ್ಟಿದೆ! ಭಾರತದ ಮಾರುಕಟ್ಟೆಯಲ್ಲಿ ವೀಕೆಂಡ್ ಎಫೆಕ್ಟ್ನಿಂದಾಗಿ ಹಳದಿ ಲೋಹದ ಬೆಲೆ ಮತ್ತೆ ದುಬಾರಿಯಾಗಿದೆ.
ಮದುವೆ ಸೀಸನ್ ಹಾಗೂ ಹಬ್ಬ ಹರಿದಿನಗಳ ಹಿನ್ನೆಲೆಯಲ್ಲಿ ಚಿನ್ನ ಖರೀದಿಸಲು ಪ್ಲಾನ್ ಮಾಡಿದ್ದ ಜನರಿಗೆ ಈ ದಿಢೀರ್ ಬೆಲೆ ಏರಿಕೆ ಕೊಂಚ ನಿರಾಸೆ ಮೂಡಿಸಿದೆ. ಆದರೆ, ನಿನ್ನೆ ಒಂದೇ ದಿನ ಬರೋಬ್ಬರಿ ₹10,000 ಇಳಿಕೆಯಾಗಿ ಭಾರಿ ಸಂಚಲನ ಮೂಡಿಸಿದ್ದ ಬೆಳ್ಳಿ ಬೆಲೆಯಲ್ಲಿ ಇಂದು ಯಾವುದೇ ಬದಲಾವಣೆಯಾಗಿಲ್ಲ.
ಕಳೆದ ನಾಲ್ಕು ದಿನಗಳಿಂದ ಅಂತರರಾಷ್ಟ್ರೀಯ ಮಾರುಕಟ್ಟೆಯ ಏರಿಳಿತಗಳಿಂದಾಗಿ ದೇಶೀಯ ಮಾರುಕಟ್ಟೆಯಲ್ಲೂ ಚಿನ್ನದ ದರ ಗಣನೀಯವಾಗಿ ಕುಸಿದಿತ್ತು. ಇದರಿಂದಾಗಿ ಗ್ರಾಹಕರು ನೆಮ್ಮದಿಯಿಂದ ಒಡವೆ ಖರೀದಿಗೆ ಮುಂದಾಗಿದ್ದರು. ಆದರೆ ವೀಕೆಂಡ್ ಆವೃತ್ತಿ ಶುರುವಾಗುತ್ತಿದ್ದಂತೆ ಚಿನ್ನದ ಗ್ರಾಫ್ ಮತ್ತೆ ಮೇಲಕ್ಕೆ ಹೋಗಿದೆ. ಜಾಗತಿಕ ಮಾರುಕಟ್ಟೆಯಲ್ಲಿನ ಬೇಡಿಕೆ ಹಾಗೂ ಹೂಡಿಕೆದಾರರ ಸೆಂಟಿಮೆಂಟ್ ಬದಲಾಗಿರುವುದು ಈ ದಿಢೀರ್ ಏರಿಕೆಗೆ ಪ್ರಮುಖ ಕಾರಣ ಎನ್ನಲಾಗುತ್ತಿದೆ.
ಬೆಳ್ಳಿ ಬೆಲೆಯಲ್ಲಿ ಸ್ಥಿರತೆ:
ಚಿನ್ನದ ಬೆಲೆ ಏರಿಕೆಯಾಗಿ ಕಣ್ಣೀರು ಹಾಕಿಸುತ್ತಿದ್ದರೆ, ಬೆಳ್ಳಿ ಮಾತ್ರ ಗ್ರಾಹಕರಿಗೆ ಕೊಂಚ ನಿರಾಳ ತಂದಿದೆ. ನಿನ್ನೆ ಒಂದೇ ದಿನ ಬರೋಬ್ಬರಿ ₹10,000 ರಷ್ಟು ಭಾರಿ ಕುಸಿತ ಕಂಡಿದ್ದ ಬೆಳ್ಳಿಯ ದರದಲ್ಲಿ ಇಂದು ಯಾವುದೇ ವ್ಯತ್ಯಾಸವಾಗಿಲ್ಲ. ನಿನ್ನೆಯ ದಾಖಲೆಯ ಇಳಿಕೆಯ ದರದಲ್ಲೇ ಇಂದು ಕೂಡ ಬೆಳ್ಳಿ ಮಾರುಕಟ್ಟೆಯಲ್ಲಿ ಮುಂದುವರಿದಿದೆ.
ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ 24 ಕ್ಯಾರೆಟ್ ಚಿನ್ನದ ಬೆಲೆ
ನಗರಗಳ ಹೆಸರು ಚಿನ್ನದ ಬೆಲೆ (10 ಗ್ರಾಂ)
ಬೆಂಗಳೂರು ₹1,51,320
ನಾಗ್ಪುರ ₹1,51,320
ಮುಂಬೈ ₹1,51,320
ಚೆನ್ನೈ ₹1,53,710
ಕೋಲ್ಕತ್ತಾ ₹1,51,320
ಪಾಟ್ನಾ ₹1,51,370
ಸೂರತ್ ₹1,51,370
ಚಂಡೀಗಢ ₹1,51,470
ಲಕ್ನೋ ₹1,51,470
