ಮುಂಬೈ: ಚಿತ್ರರಂಗದ ಪ್ರಸಿದ್ಧ ನಟರಲ್ಲಿ ಒಬ್ಬರಾದ, ನಟ ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್ ಬಗ್ಗೆ ಶುಭ ಸುದ್ದಿಯೊಂದು ಹೊರಬಿದ್ದಿದೆ.
ಖಾನ್ ಕುಟುಂಬದಲ್ಲಿ ಮದುವೆಯ ಸಂಭ್ರಮ ಮನೆ ಮಾಡಿದ್ದು, ಡಿಸೆಂಬರ್ 24 ರಂದು ಅರ್ಬಾಜ್ ಖಾನ್ ವಿವಾಹವಾಗಲಿದ್ದಾರೆ. ಈ ಮದುವೆಗೆ ಆಪ್ತ ಸ್ನೇಹಿತರು ಮತ್ತು ಕುಟುಂಬದವರು ಮಾತ್ರ ಭಾಗವಹಿಸಲಿದ್ದಾರೆ. ನಟನ ಮದುವೆಯ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ ನಂತರ, ಅರ್ಬಾಜ್ ಖಾನ್ ಅವರ ಭಾವಿ ಪತ್ನಿ ಯಾರು? ಎನ್ನುವುದೇ ಕುತೂಹಲಕ್ಕೆ ಕಾರಣವಾಗಿದೆ.
ಶುರಾ ಖಾನ್ ಅವರನ್ನು ಅರ್ಬಾಜ್ ಖಾನ್ ಮದುವೆಯಾಗಲಿದ್ದಾರೆ. ಶುರಾ ಖಾನ್ ವೃತ್ತಿಪರ ಪ್ರಸಿದ್ಧ ಮೇಕಪ್ ಕಲಾವಿದೆ. ರವೀನಾ ಟಂಡನ್ ಮತ್ತು ಅವರ ಮಗಳು ರಾಶಾ ಅವರ ಮೇಕಪ್ ಕಲಾವಿದೆಯೂ ಹೌದು. ನಾಳೆ ಅಂದರೆ ಡಿಸೆಂಬರ್ 24 ರಂದು ಅವರು ಖಾನ್ ಕುಟುಂಬದ ಸೊಸೆಯಾಗಲಿದ್ದಾರೆ.
ನಟರಾದ ಅರ್ಬಾಜ್ ಖಾನ್-ಶುರಾ ಖಾನ್ ಅವರ ವಿವಾಹವು ನಾಳೆ ಮಧ್ಯಾಹ್ನ ಅವರ ಸಹೋದರಿ ಅರ್ಪಿತಾ ಅವರ ಮುಂಬೈ ಮನೆಯಲ್ಲಿ ನಡೆಯಲಿದೆ. ಅವರ ಕುಟುಂಬದವರು ಮತ್ತು ಆಪ್ತರು ಮಾತ್ರ ಮದುವೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ವರದಿಗಳ ಪ್ರಕಾರ, ಅರ್ಬಾಜ್ ಮತ್ತು ಶೌರಾ ಖಾನ್ ಮೊದಲು ಭೇಟಿಯಾದದ್ದು ‘ಪಟ್ನಾ ಶುಕ್ಲಾ’ ಚಿತ್ರದ ಸೆಟ್‌ನಲ್ಲಿ.
ಅರ್ಬಾಜ್ ಖಾನ್ 1996 ರಲ್ಲಿ ‘ದಾರಾರ್’ ಚಿತ್ರದ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಈ ಚಿತ್ರದಲ್ಲಿನ ಪಾತ್ರಕ್ಕಾಗಿ ಅವರು ಫಿಲ್ಮ್‌ ಫೇರ್ ಪ್ರಶಸ್ತಿ ಪಡೆದರು. ಅರ್ಬಾಜ್ ‘ಪ್ಯಾರ್ ಕಿಯಾ ತೊ ಡರ್ನಾ ಕ್ಯಾ’, ‘ಹುಲ್ಚಲ್’, ‘ಭಾಗಂ ಭಾಗ್’, ‘ಜಾನೆ ತೂ ಯಾ ಜಾನೇ ನಾ’ ಮುಂತಾದ ಹಲವು ಚಿತ್ರಗಳ ಭಾಗವಾದರು. 2012 ರಲ್ಲಿ ಅರ್ಬಾಜ್ ‘ದಬಾಂಗ್ 2’ ಮೂಲಕ ನಿರ್ದೇಶನ ಕ್ಷೇತ್ರವನ್ನು ಪ್ರವೇಶಿಸಿದರು, ಅವರು ‘ದಬಾಂಗ್’ ನ ಉಳಿದ ಕಂತುಗಳ ನಿರ್ಮಾಪಕರಾಗಿ ಉಳಿದರು. ಅರ್ಬಾಜ್ ಖಾನ್ ಅವರು ‘ತನವ್’ ವೆಬ್ ಸರಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ.
ಮಲೈಕಾ ಅರೋರಾರಿಂದ ದೂರವಾದ ವರ್ಷಗಳ ನಂತರ ಅರ್ಬಾಜ್ ಖಾನ್ ಮದುವೆಯಾಗುತ್ತಿದ್ದು, ಹಿಂದೆ ಮಲೈಕಾ ಅರೋರಾ –ಅರ್ಜುನ್ ಕಪೂರ್ ಗುಟ್ಟಾಗಿ ಮದುವೆಯಾಗಿದ್ದಾರೆ ಎಂದು ವದಂತಿ ಹರಡಿತ್ತು.
