ಆಸ್ಪತ್ರೆಯಲ್ಲೇ ಡಬಲ್ ಮರ್ಡರ್: ಆಪರೇಷನ್ ಥಿಯೇಟರ್ ಕಬೋರ್ಡ್ ನಲ್ಲಿ ಮಗಳು, ಹಾಸಿಗೆ ಕೆಳಗೆ ತಾಯಿ ಶವ ಪತ್ತೆ

ಅಹಮದಾಬಾದ್: ಬುಧವಾರ ಅಹಮದಾಬಾದ್‌ನ ಭೂಭಾಯ್ ಪಾರ್ಕ್ ಬಳಿಯ ಆಸ್ಪತ್ರೆಯಲ್ಲಿ ತಾಯಿ ಮತ್ತು ಮಗಳ ಎರಡು ಶವಗಳು ಪತ್ತೆಯಾಗಿವೆ.

ಆಪರೇಷನ್ ಥಿಯೇಟರ್ ನ ಕಬೋರ್ಡ್ ನಲ್ಲಿ ಮಗಳ ಶವ ಹಾಗೂ ಹಾಸಿಗೆಯ ಕೆಳಗೆ ತಾಯಿಯ ಶವ ಪತ್ತೆಯಾಗಿದೆ. ತಾಯಿಯನ್ನು ಚಂಪಾ ಮತ್ತು ಮಗಳನ್ನು ಭಾರತಿ ವಾಲಾ ಎಂದು ಗುರುತಿಸಲಾಗಿದೆ. ಚಿಕಿತ್ಸೆಗಾಗಿ ಇಬ್ಬರೂ ಆಸ್ಪತ್ರೆಗೆ ಬಂದಿದ್ದರು.

ಈ ಮಧ್ಯೆ ಆಸ್ಪತ್ರೆಯ ಕಾಂಪೌಂಡರ್ ಒಬ್ಬನನ್ನು ಕಗ್ಡಾಪಿಟ್ ಪೊಲೀಸರು ವಶಕ್ಕೆ ಪಡೆದು ಕೊಲೆಯಲ್ಲಿ ಭಾಗಿಯಾಗಿರುವ ಶಂಕೆ ವ್ಯಕ್ತಪಡಿಸಿದ್ದಾರೆ. ಕಾಂಪೌಂಡರ್ ಮೃತ ಬಾಲಕಿ ಭಾರತಿಯ ಅತ್ತೆಯ ಕುಟುಂಬಕ್ಕೆ ಸಂಬಂಧಿಸಿದ್ದಾನೆ.

ಪೊಲೀಸರ ಪ್ರಕಾರ, ಅಹಮದಾಬಾದ್‌ನ ಕಗ್ಡಾಪಿತ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿರುವ ಆಸ್ಪತ್ರೆಯೊಳಗೆ ತುಂಬಾ ಕೆಟ್ಟ ವಾಸನೆ ಇತ್ತು. ಆಸ್ಪತ್ರೆಯ ಆಪರೇಷನ್ ಥಿಯೇಟರ್ ಒಳಗಿದ್ದ ಬೀರು ವಾಸನೆ ಬರುತ್ತಿದ್ದಂತೆ ಆಸ್ಪತ್ರೆ ಸಿಬ್ಬಂದಿ ತೆರೆದರು. ಒಳಗೆ 30 ವರ್ಷದ ಮಹಿಳೆಯ ಶವ ಪತ್ತೆಯಾಗಿದೆ. ಬಳಿಕ ಆಸ್ಪತ್ರೆ ಸಿಬ್ಬಂದಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ತಾಯಿ ಮತ್ತು ಮಗಳಿಗೆ ಮೊದಲು ಚುಚ್ಚುಮದ್ದು ನೀಡಿ ನಂತರ ಕತ್ತು ಹಿಸುಕಿದ್ದಾರೆ ಎಂದು ಪೊಲೀಸರು ಶಂಕಿಸಿದ್ದಾರೆ. ಭಾರತಿ ಮದುವೆಯಾಗಿದ್ದರೂ ತಾಯಿಯೊಂದಿಗೆ ನರೋಲ್‌ನಲ್ಲಿ ನೆಲೆಸಿದ್ದರು.

ಶವ ಪತ್ತೆಯಾದ ನಂತರ ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳಿಗಳ ಪರಿಶೀಲನೆ ನಡೆಸಿದ್ದು, ತನಿಖೆ ಕೈಗೊಂಡಿದ್ದಾರೆ.