ಮಹಿಳೆ ಜತೆ ಪೆಂಗ್ವಿನ್​ ಮಾತುಕತೆ: ಮುದ್ದುಮುದ್ದಾದ ವಿಡಿಯೋಗೆ ಜನರ ಮೆಚ್ಚುಗೆ

ಪ್ರಾಣಿ, ಪಕ್ಷಿಗಳು ಮತ್ತು ಮನುಷ್ಯರಿಗೆ ಅವಿನಾಭಾವ ಸಂಬಂಧ. ಅಂಥದ್ದೇ ಒಂದು ಭಾವನಾತ್ಮಕ ವಿಡಿಯೋ ಈಗ ವೈರಲ್​ ಆಗಿದೆ. ಇದು ಪೆಂಗ್ವಿನ್​ ಪಕ್ಷಿಯ ವಿಡಿಯೋ.

ಪಾರ್ಕಿಂಗ್ ಸ್ಥಳದಲ್ಲಿ ವಯಸ್ಸಾದ ಮಹಿಳೆಯ ಬಳಿಗೆ ಪೆಂಗ್ವಿನ್​ ಸಾಗಿದ್ದು, ಆ ಮಹಿಳೆ ಅದರ ಜತೆ ಮಾತನಾಡುವಂತೆ ಕಾಣಿಸುತ್ತದೆ.
ಪಾರ್ಕಿಂಗ್ ಸ್ಥಳದಲ್ಲಿ ವಯಸ್ಸಾದ ಮಹಿಳೆ ನಿಧಾನವಾಗಿ ನಡೆಯುವುದನ್ನು ನೋಡಬಹುದು.

ನಂತರ, ನಿಧಾನವಾಗಿ ಹೆಜ್ಜೆ ಇಡುತ್ತಾ ಆಕೆಯ ಬಳಿ ಪೆಂಗ್ವಿನ್​ ಬರುತ್ತದೆ. ಮಹಿಳೆ ಅದರ ಜತೆ ಮಾತನಾಡುತ್ತಾಳೆ. ಅದು ಕೂಡ ಏನೋ ಹೇಳುತ್ತದೆ. ಹೀಗೆ ಕೆಲವು ಸೆಕೆಂಡ್​ ಇಬ್ಬರ ಮಾತುಕತೆ ನಡೆಯುತ್ತದೆ. ಮಹಿಳೆಯ ಜತೆಗೆ ತಾನೂ ಬರುತ್ತೇನೆ ಎನ್ನುವಂತೆ ಪೆಂಗ್ವಿನ್​ ಆಕೆಯ ಹಿಂದಿಂದೆಯೇ ಹೋಗುವುದನ್ನು ವಿಡಿಯೋದಲ್ಲಿ ನೋಡಬಹುದು.

ಈ ವಿಡಿಯೋವನ್ನು ಗೇಬ್ರಿಯೆಲ್ ಕಾರ್ನೊ ಹಂಚಿಕೊಂಡಿದ್ದಾರೆ. ಈ ಕ್ಯೂಟ್​ ವಿಡಿಯೋಗೆ ನೆಟ್ಟಿಗರು ಮನಸೋತಿದ್ದಾರೆ. ಈಗಾಗಲೇ ಈ ವಿಡಿಯೋವನ್ನು ಮೂರು ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ.